జయజానకి నాయక సక్సెస్‌ని తెగ ఎంజాయ్ చేస్తున్న హీరో బెల్లంకొండ శ్రీనివాస్. ప్రస్తతం డైరెక్టర్ శ్రీవాస్‌తో సాక్ష్యం సినిమా చేస్తున్న శ్రీను..మే 11న ప్రేక్షకుల ముందుకు రానున్నాడు. డీజే బ్యూటీ పూజా హెగ్డే హీరోయిన్‌గా నటిస్తుండగా అభిషేక్ పిక్చర్స్ పతాకంపై అభిషేక్ నామా నిర్మిస్తున్నారు.
ఈ సినిమా తర్వాత శ్రీనివాస్ దర్శకత్వంలో మరో సినిమా చేయనున్నాడు.వంశధార క్రియేషన్స్ బ్యానర్‌లో తొలి ప్రయత్నంగా నవీన్ సొంటినేని (నాని) ఈ సినిమా తెరకెక్కిస్తున్నారు. హైదరాబాద్ లోని రామానాయుడు స్టూడియోస్ లో మా ప్రొడక్షన్ నెం.1 ప్రారంభోత్సవ వేడుకను ఘనంగా నిర్వహించారు. ముహుర్తపు షాట్‌కు వివి వినాయక్ క్లాప్ కొట్టారు.
ఈ సందర్భంగా చిత్ర నిర్మాత నవీన్ సొంటినేని మాట్లాడుతూ.. ‘ఎనర్జిటిక్ హీరో బెల్లంకొండ శ్రీనివాస్ హీరోగా తెరకెక్కనున్న చిత్రంతో మా బ్యానర్ ను ప్రారంభిస్తున్నందుకు చాలా ఆనందంగా ఉంది. ‘దృశ్యం, గోపాల గోపాల, డిక్టేటర్’ లాంటి సూపర్ హిట్ సినిమాలకు సహాయ దర్శకుడిగా పనిచేసిన శ్రీనివాస్ అద్భుతమైన కథను సిద్ధం చేశారు. సీనియర్ టెక్నీషియన్స్ ఈ చిత్రానికి వర్క్ చేయనున్నారు. ఈ చిత్రం కోసం కెమెరామెన్ గా ఛోటా కె.నాయుడు గారిని, మ్యూజిక్ డైరెక్టర్ గా తమన్ ను, ఆర్ట్ డైరెక్టర్ గా చిన్నాగారిని ఎంపిక చేయడం జరిగింది. త్వరలోనే మిగతా నటీనటుల మరియు సాంకేతిక నిపుణులను ప్రకటిస్తామని తెలిపారు.
