పూరీ జగన్నాధ్ దర్శకత్వంలో రామ్ హీరోగా ఇస్మార్ట్ శంకర్ సినిమా తెరకెక్కిన సంగతి తెలిసిందే. నభా నటేశ్, నిధి అగర్వాల్ లు హీరోయిన్లుగా నటించారు. పూరీ సొంత బ్యానర్ లో ఈసినిమాను నిర్మించారు. ఈమూవీ భారీ విజయాన్ని సాధించింది. ఉహించని విధంగా కలెక్షన్లను రాబట్టడంతో పూరీ జగన్నాధ్ చాలా హ్యాపిగా ఉన్నారు.
పూరీ జగన్నాథ్ పుట్టినరోజు సందర్భంగా ఈసినిమాను రెండు తెలుగు రాష్ట్రాల్లోని 10ధియేటర్లలో రీ రిలీజ్ చేశారు. అంతేకాకుండా హైదరాబాద్ లో పూరీ జగన్నాథ్ బర్త్ డే వేడుకలను చాలా గ్రాండ్ నిర్వహించారు నిర్మాత ఛార్మీ. ఈసందర్భంగా ఛార్మీ మాట్లాడుతూ..ఇస్మార్ట్ శంకర్ సినిమా తీయడానికి ముందు నేను పూరీ జగన్నాధ్ చాలా క్లిష్ట పరిస్ధితుల్లో ఉన్నాం..ఎంత అంటే కనీసం మా దగ్గర రూ.50వేలు కూడా లేవు. పూరీ కనెక్ట్స్ టీం లో కొంత మంది మాకు బాగా హెల్పె చేశారన్నారు.
ఆరోజు పూరి ఇచ్చిన ధైర్యం తో ఇస్మార్ట్ శంకర్ ప్రాజెక్ట్ పనులు స్టార్ట్ చేశాం. హీరో రామ్ వల్లే ఇస్మార్ట్ శంకర్ సినిమా హిట్ అయిందన్నారు. పూరి జగన్నాధ్ పుట్టిన రోజు సందర్భముగా దర్శకత్వ శాఖలో ఆర్థిక ఇబ్బందుల్లో ఉన్న30 మందికి హెల్పింగ్ హ్యాండ్స్ పేరుతో ప్రతిఒక్కరికి 50000 ల చొప్పున 15 లక్షల ఆర్థికసాయం చేశారు పూరి కనెక్ట్స్ నిర్మాత ఛార్మికౌర్.
