సోగ్గాడే చిన్నినాయన చిత్రంతో నాగార్జున, కళ్యాణ్ కృష్ణ మ్యాజిక్ చేశారు. ఆ చిత్రానికి ప్రీక్వెల్‌గా ఇప్పుడు బంగార్రాజు చిత్రం రాబోతోంది. బంగార్రాజు సినిమాను ప్రకటించిన క్షణం నుంచి మంచి బజ్ ఏర్పడింది. సోగ్గాడే చిన్న నాయన సినిమాలో బంగార్రాజు పాత్రకు ఎంత మంచి పేరు వచ్చిందో అందరికీ తెలిసిందే. ఇప్పుడు మరోసారి కళ్యాణ్ కృష్ణ అద్బుతమైన కథతో రాబోతోన్నారు. ప్రీక్వెల్‌లో ఉన్నట్టుగానే నాగార్జున సరసన రమ్యక‌ష్ణ నటించనున్నారు.
నాగార్జున, రమ్యకృష్ణలతో పాటుగా మరి కొన్ని ఇంట్రెస్టింగ్ పాత్రలను కళ్యాణ్ కృష్ణ చూపించబోతోన్నారు. యువ సామ్రాట్ నాగ చైతన్య, కృతి శెట్టిలు మరో జోడిగా కనిపించబోతోన్నారు. రొమాన్స్, ఎమోషన్స్, అన్ని రకాల కమర్షియల్ అంశాలతో బంగార్రాజు చిత్రం రాబోతోంది. సోగ్గాడే చిన్ని నాయన వంటి బ్లాక్ బస్టర్ చిత్రానికి ప్రీక్వెల్ కావడంతో అంచనాలు ఆకాశన్నంటాయి. పైగా నాగార్జున, నాగ చైతన్య కలిసి నటిస్తోన్న రెండో చిత్రం కావడంతో అభిమానుల్లో భారీ అంచనాలు ఏర్పడ్డాయి.
ఈ సినిమా నుంచి వరుస అప్డేట్స్ తో అక్కినేని అభిమానులను ఖుషీ చేయడానికి ప్లాన్ చేస్తున్నారు. నవంబర్ 22న సాయంత్రం 5:22 గంటలకు ‘బంగార్రాజు’ ఫస్ట్‌లుక్‌ను, నాగ చైతన్య పుట్టినరోజు సందర్భంగా 23న ఉదయం 10:23 గంటలకు టీజర్‌ను విడుదల చేయనున్నారు. ప్రస్తుతం మైసూర్‌లో ఈ సినిమా చిత్రీకరణ జరుపుకుంటుండగా, ప్రధాన తారాగణంపై ముఖ్యమైన సన్నివేశాలను చిత్రీకరిస్తున్నారు.
