టాలీవుడ్ లో చిన్న చిన్న పాత్రలతో ప్రయాణం మొదలు పెట్టి కమెడియన్ గా ఎదిగి బుల్లి తెరపై కూడా నటించిన బండ్ల గణేష్ అతి తక్కువ కాలంలోనే స్టార్ ప్రొడ్యూసర్ గా ఎదిగాడు.. రవితేజ ఆంజనేయులు సినిమాతో నిర్మాతగా మారిన బండ్ల గణేష్ పవన్, ఎన్టీఆర్ వంటి స్టార్ హీరోలతో సినిమాలు నిర్మించి సూపర్ హిట్స్ అందుకొన్నాడు.
అయితే ఇటీవలే బండ్ల గణేష్ ఓ ఇంటర్వ్యూలో మాట్లాడుతూ.. హీరోలు, దర్శకులపై సంచలన కామెంట్స్ చేశాడు.. ముఖ్యంగా ఓ దర్శకుడు అంటూ పేరు చెప్పకుండా అతని పై ఫైర్ అయ్యాడు. ఆ టాపిక్ ఇంకా సోషల్ మీడియాలో సందడి చేస్తుంటే.. తాజాగా ఓ హీరోయిన్ బండ్ల గణేష్ పై ఫైర్ అయ్యింది. వివరాల్లోకి వెళ్తే పవన్ కల్యాణ్ సినిమా బంగారంలో నటించిన మీరా చోప్రా తన ట్విట్టర్ వేదికగా బండ్ల గణేష్ మీద ఓ రేంజ్ లో విరుచుకు పడింది.. బండ్ల గణేష్ ఓ బ్రోకర్ అంటూ ఫైర్ అయ్యింది. బండ్ల గణేష్ బ్రోకర్ పనులు చెయ్యడం లేదని ఎవరైనా అంటే చెప్పండి అని వ్యాఖ్యానించింది.
మీరా చోప్రా వ్యాఖ్యలు సోషల్ మీడియాలో ఒక్కసారిగా వైరల్ గా మారాయి.. మళ్ళీ ఏమైంతో కొద్ది సేపటికే మీరా చొప్రా తన ట్విటర్ నుంచి బండ్ల గణేష్ మీద చేసిన వ్యాఖ్యలు తొలిగించింది. కాగా ఈ వ్యాఖ్యలు సచిన్ జోషి వద్దకు చేరడంతో.. వెంటనే మీరా చోప్రాకు బండ్ల గణేష్ అటువంటి వాడే అంటూ మద్దతు పలికాడు.. కాగా మీరా చోప్రా వ్యాఖ్యలు ప్రస్తుతం టాలీవుడ్ లో చక్కర్లు కొడుతున్నాయి.
