కొద్ది రోజులుగా తమ ప్రేమ వ్యవహారంతో వార్తలలో నిలుస్తున్న జై, అంజ‌లి జంట తాజాగా బెలూన్ అనే చిత్రం చేస్తున్నారు. హ‌ర‌ర్ థ్రిల్ల‌ర్ మూవీ గా తెర‌కెక్కుతున్న ఈ చిత్రాన్ని సినీష్ తెర‌కెక్కిస్తున్నాడు. యువ‌న్ శంక‌ర్ రాజా సంగీతం అందిస్తున్నారు. తాజాగా చిత్ర టీజ‌ర్ విడుదల చేశారు. ఇందులో జై నరేష‌న్ మూవీపై చాలా ఇంట్రెస్ట్ పెంచింది.
ఇదే పేరుతో తెలుగులోనూ విడుదల కాబోతోంది. ఇప్పటిదాకా వచ్చిన హార్రర్ సినిమాలతో పోలిస్తే ఇది చాలా భిన్నంగా కనిపిస్తోంది. తెలుగులో వచ్చిన హార్రర్ సినిమాల్లో ‘అవును’లోని కాన్సెప్ట్ భిన్నంగా అనిపించినట్లే.. ‘బెలూన్’ కూడా ఒక వైవిధ్యమైన కాన్సెప్ట్‌తో తెరకెక్కినట్లుగా అనిపిస్తుంది. బెలూన్స్ తయారు చేసే ఓ కుర్రాడు తన ప్రేయసితో గొడవ పడి ఆవేశంలో చంపేస్తాడు. తర్వాత అతనూ చనిపోతాడు. అదే ఇంట్లో వాళ్లకు వెళ్లిన వాళ్లకు లేని పోని ఇబ్బందులు ఎదురవుతాయి. ఈ దయ్యం కథంతా బెలూన్స్ చుట్టూ తిరగడం ఇక్కడ వైవిధ్యమైన అంశం.
ట్రైలర్ చూస్తే కొన్ని మూమెంట్స్‌ వణికించేసేలాగే ఉన్నాయి. పెళ్లికి ముందు ఈ ప్రేమ జంట ఒక మెమొరబుల్ మూవీతో ప్రేక్షకుల్ని పలకరించేలా కనిపిస్తున్నారు.
