కమర్షియల్ డైరెక్టర్ అనిల్ రావిపూడి దర్శకత్వంలో నందమూరి బాలకృష్ణ హీరోగా వస్తున్న సినిమా భగవంత్ కేసరి. ఈ సినిమా షూటింగ్ ప్ర‌స్తుతం హైద‌రాబాద్‌లో జ‌రుగుతోంది. ఈ షెడ్యూల్‌లో బాల‌య్య‌పై హై ఓల్టేజ్ యాక్ష‌న్ స‌న్నివేశాలను చిత్రీక‌రిస్తున్నారు. ఐతే, ఈ రోజు, అందాల చందమామ కాజల్ అగర్వాల్ పుట్టినరోజు సందర్భంగా భగవంత్ కేసరి నుంచి ఓ అదిరిపోయే పోస్టర్ వచ్చింది. తమ హీరోయిన్ కి బాలయ్య టీమ్ క్రేజీ ఫస్ట్ లుక్ ను గిఫ్ట్ గా ఇచ్చింది. ఈ ఫస్ట్ లుక్ పోస్టర్ లో చీరలో కనిపించిన కాజల్ అగర్వాల్ చాలా హోమ్లీగా చాలా స్టైలిష్ గా కనిపించి అలరించింది.
పైగా పోస్టర్ లో కాజల్ అగర్వాల్ సైకాలజీ పుస్తకం చదువుతూ ఫోన్‌లో మాట్లాడుతూ ఫోజు ఇచ్చింది. దీనికితోడు ఆమె పెట్టుకున్న అద్దాలు, అలాగే ఆమె ముఖంలో చిరునవ్వు మొత్తమ్మీద కాజల్ ముద్దుగుమ్మ భలే ముద్దు వచ్చేస్తోంది. ఇక ప్రముఖ ఓటీటీ సంస్థ అమెజాన్ ప్రైమ్ బాలయ్య భగవంత్ కేసరి సినిమాను ఏకంగా రూ. 36 కోట్లు ఇచ్చి డిజిటల్ రైట్స్ సొంతం చేసుకుందని ఇప్పటికే వార్తలు వచ్చాయి. ఒకవేళ, ఈ వార్తలు నిజం అయితే.. బాలయ్య రికార్డు క్రియేట్ చేసినట్టే.
Also Read:Kushi:ఓటీటీ డేట్ ఫిక్స్
ఎంతైనా ఈ భగవంత్ కేసరి సినిమాని దాదాపు రూ.100 కోట్ల భారీ బడ్జెట్ తో తెరకెక్కిస్తున్నారు. అన్నట్టు ఈ సినిమాలో కాజల్ అగర్వాల్ తో పాటు శ్రీలీల కూడా కీలక పాత్రలో నటిస్తోంది. భగవంత్ కేసరి మూవీని దసరా కానుకగా విడుదల చేయనున్నారు మేకర్స్. దీనికి ఎస్ థమన్ సంగీతం అందిస్తున్నారు. ఇప్పటికే టైటిల్‌ను విడుదల చేసిన టీమ్, ఆ తర్వాత టీజర్‌తో పాటు కీలక పాత్రలో నటిస్తున్న శ్రీలీల ఫస్ట్‌లుక్‌ను కూడా విడుదల చేశారు. శ్రీలీల ఫస్ట్‌లుక్‌ కూడా చాలా బాగుంది.
Also Read:9వ విడత హరితహారానికి శ్రీకారం..
