బాలయ్య బాబుతో సూపర్ స్టార్ రజనీకాంత్ కలిసి నటిస్తే.. ఎలా ఉంటుంది ?, నిజంగా అదిరిపోతుంది. ఈ కాంబినేషన్ జస్ట్ లో మిస్ అయ్యింది. ఆల్ మోస్ట్ ఫిక్స్ అయ్యే టైమ్ లో లాస్ట్ మినిట్ లో క్యాన్సిల్ అయ్యింది. నెల్సన్ దిలీప్ కుమార్ దర్శకత్వంలో రజనీకాంత్ నటించిన జైలర్ సినిమా హిట్ టాక్ తో దూసుకుపోతోంది. ఓ ఇంటర్వ్యూలో డైరెక్టర్ నెల్సన్ ఆసక్తికర వ్యాఖ్యలు చేశారు. జైలర్ సినిమాలో ఓ పాత్రకు బాలకృష్ణను తీసుకోవాలని అన్నుకున్నామని, అయితే, కుదరలేదని చెప్పారు. కథకు తగ్గట్టుగా బాలయ్య పాత్రను క్రియేట్ చేయలేకపోయామన్నారు. దీనితో బాలయ్యని సంప్రదించలేదన్నారు. భవిష్యత్తులో బాలకృష్ణతో సినిమా చేస్తానేమో అని నెల్సన్ దిలీప్ కుమార్ చెప్పారు.
నెల్సన్ దిలీప్ కుమార్ కి మాస్ పల్స్ బాగా తెలుసు. ముఖ్యంగా ఆయన యాక్షన్ ఎపిసోడ్స్ ను చాలా బాగా తీస్తారు. ఎలాగూ బాలయ్య అంటేనే.. యాక్షన్ కి పరాకాష్ట. కాబట్టి వీరి కలయికలో సినిమా పడితే.. కచ్చితంగా మాస్ ఫీస్ట్ అవుతుంది. మరోవైపు జైలర్ సినిమా అమెరికాలో కూడా సరికొత్త రికార్డ్ లు క్రియేట్ చేస్తోంది. ఇప్పటికే అజిత్, విజయ్ రికార్డులను కూడా బద్దలు కొట్టింది. జైలర్ చిత్రం ప్రపంచ వ్యాప్తంగా మొదటి రోజున రూ.72 కోట్లకుపైగా వసూలు చేసినట్లు తెలిసింది. యుఎస్ఎలో సంక్రాంతికి విడుదలైన విజయ్ వారీసు, అజిత్ తునీవు బాక్సాఫీస్ కలెక్షన్లను అధిగమించింది.
Also Read:జగన్ కు షాక్…50 మంది టీడీపీ లోకి?
2023లో అమెరికాలో అత్యధిక వసూళ్లు సాధించిన తమిళ చిత్రంగా జైలర్ నిలిచిపోనుంది. తమిళనాడులో మార్నింగ్ షోల ద్వారా రూ.24 కోట్లు వసూలు చేసింది. తెలుగు రాష్ట్రాల్లో తొలి రోజు రూ.5 కోట్లు వసూలయిందని సమాచారం. ‘జైలర్’ సినిమా బాక్సాఫీస్ దగ్గర సూపర్ హిట్ అయ్యేలా ఉంది. కాగా, ‘జైలర్’ సినిమాను తమిళనాడు ముఖ్యమంత్రి స్టాలిన్‌ వీక్షించారు. సీఎం స్టాలిన్‌ సినిమా పై ప్రశంసలు కురిపించారు. ఏది ఏమైనా ఈ సినిమాలో బాలయ్య బాబు కూడా నటించి ఉండి ఉంటే.. ఈ సినిమా మరో స్థాయిలో ఉండేది.
Also Read:చర్మం నల్లబడుతుందా..ఇలా చేయండి!
