బాలకృష్ణ 101వ సినిమా ప్రారంభమైంది. గౌతమి పుత్ర శాతకర్ణి ఘనవిజయం తర్వాత పూరి జగన్నాథ్‌ దర్శకత్వంలో బాలయ్య సినిమా తెరకెక్కనుంది. సినిమా ప్రారంభషూట్‌ కి దర్శకుడు రాజమౌళి క్లాప్ కొట్టారు. ఈ సినిమా రెగ్యులర్ షూటింగ్ త్వరలోనే ప్రారంభం కానుండగా మొదటి షెడ్యూల్‌ను హైదరాబాద్‌లో జరగనుంది. ఇక ఈ సినిమాకు సంబంధించిన యాక్షన్ సన్నివేశాలను హైదరాబాద్‌లో పలు చోట్ల తీయడానికి ప్రణాళిక సిద్ధం చేస్తున్నారు.హైదరాబాద్‌లో జరిగిన చిత్ర ప్రారంభోత్సవ కార్యక్రమంలో పూరి జగన్నాథ్‌, దర్శకులు క్రిష్‌, బోయపాటి శ్రీను, ఎస్వీ కృష్ణారెడ్డి తదితరులు పాల్గొన్నారు.
ఈ చిత్రం ష్యూటింగ్‌ ఎక్కువ భాగం ఇంగ్లాండ్‌లో ఏప్రిల్ 7 నుండి మే 7 వరకు చిత్రికరించడానికి సన్నాహాలు చేస్తున్నారు. భవ్య క్రియేషన్స్‌ బ్యానర్‌పై ఈ మూవీ తెరకెక్కనుంది మరి ఈ సినిమాకు సంబందించిన నటి నటులను త్వరలోనే వెల్లడించనున్నారు. కాథానాయిక ఎవరన్నది తెలియాల్సిఉంది.
బాలకృష్ణ రూట్ వేరు .. పూరీ స్కూల్ వేరు. బాలకృష్ణ సినిమాల్లో ఆయన పాత్ర చాలా పవర్ ఫుల్ గా .. భారీ స్థాయిలో ఉంటుంది. పూరీ సినిమాల్లో హీరో సాధారణమైన కుర్రాడిగా కనిపిస్తుంటాడు. అందువలన వీరిద్దరి కాంబినేషన్ పై అంతా ఆసక్తిగా వున్నారు. ఎలాంటి కథతో రానున్నారా అని ఆత్రుతగా ఎదురుచూస్తున్నారు.
పూరి సినిమా అంటే పక్కా ప్లానింగుతో ఉంటుంది. అనుకున్న సమయానికి షూటింగ్ మొదలు పెట్టి అనుకున్న సమయానికి పూర్తి చేస్తారు. రిలీజ్ డేట్ కూడా ముందే ప్రకటన పూరి అనుకున్న సమయానికి సినిమాను పూర్తి చేస్తాడనే నమ్మకంతోనే నిర్మాత ఏకంగా చిత్రం రిలీజ్ డేట్ కూడా ప్రకటించేశారు. ఈఏడాది సెప్టెంబర్‌ 29న సినిమాను విడుదల చేయడానికి సన్నాహాలు చేస్తున్నామని తెలిపారు.
