కమర్షియల్ డైరెక్టర్ అనిల్ రావిపూడి దర్శకత్వంలో నందమూరి బాలకృష్ణ హీరోగా వస్తున్న NBK 108 సినిమా షూటింగ్ ప్ర‌స్తుతం హైద‌రాబాద్‌లో జ‌రుగుతోంది. ఈ షెడ్యూల్‌లో బాల‌య్య‌పై హై ఓల్టేజ్ యాక్షన్ స‌న్నివేశాలను చిత్రీకరిస్తున్నారు. ఫైట్ మాస్ట‌ర్ వెంక‌ట్ నేతృత్వంలో ఈ యాక్షన్ సీన్స్ ను చిత్రీకరిస్తున్నారు. దాదాపు రెండు వారాల పాటు ఈ షూటింగ్ షెడ్యూల్ జ‌ర‌గనుంది. అయితే, రిస్క్ షాట్స్ లో బాలయ్య డూప్ లేకుండా యాక్ట్ చేస్తున్నాడట.
అరవై రెండేళ్ల వయసులో బాలయ్య ఇలా రిస్కీ షాట్స్ చేయడం నిజంగా విశేషమే. ప్రముఖ ఓటీటీ సంస్థ అమెజాన్ ప్రైమ్ బాలయ్య సినిమాను ఏకంగా రూ. 36 కోట్లు ఇచ్చి డిజిటల్ రైట్స్ సొంతం చేసుకుంది. రూ.100 కోట్ల భారీ బడ్జెట్ తో ఈ సినిమా తెరకెక్కిస్తున్నారని తెలుస్తోంది. ఈ సినిమాలో కాజల్ అగర్వాల్ , శ్రీలీల కీలక పాత్రలలో నటిస్తున్నారు. కాజల్ అగర్వాల్ ఈ సినిమాలో లేడీ పోలీస్ ఆఫీసర్ గా నటిస్తోంది. ఇక బాలయ్య సరికొత్త లుక్ లో కనిపించనున్నారు.
Also Read: Agent:క్రేజీ వైల్డ్‌నెస్‌ని ఎంజాయ్ చేస్తారు: అఖిల్‌
ముఖ్యంగా మూడు గెటప్స్ లో బాలయ్య లుక్ ఉంటుంది. ఐతే, అరవై ఏళ్ల వ్యక్తిగా ఈ సినిమాలో బాలయ్య నటిస్తున్నాడు. ఈ అరవై ఏళ్ల వ్యక్తి లుక్ మాత్రం సినిమాకే హైలైట్ గా నిలుస్తోందట. అలాగే మిడిల్ ఏజ్డ్ పర్సన్ గా కూడా బాలయ్య నటిస్తున్నాడు. ఈ సినిమాకి ఎస్ థమన్ సంగీతం సమకూర్చగా, సిరామ్ ప్రసాద్ సినిమాటోగ్రఫీ అందిస్తున్నారు. మరి ఈ మాస్‌ యాక్షన్ ఫ్యామిలీ ఎంటర్‌టైనర్‌ రికార్డులు సృష్టిస్తోందని టీమ్ నమ్ముతుంది.
Also Read: కంగనా ది బెస్ట్‌ యాక్ట్రెస్:మాధవన్
