ప్రతి ఒక్కరు బాధ్యతగా మొక్కలు పెంచాలి: సతీష్‌

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్ జోరుగా కొనసాగుతుంది. ఈ కార్యక్రమంలో భాగంగా అరుణా ఫోటో స్టూడియో సారథి నిమ్మల సతీష్‌ మొక్కలు నాటారు. బర్కత్ పురలోని పార్కులో తన సతీమణి మంజుల, తన ఫోటో స్టూడియో సిబ్బందితో కలిసి పుట్టిన రోజు సందర్భంగా మొక్కలు నాటారు.

ఈ సందర్భంగా నిమ్మల సతీష్ మాట్లాడుతూ… నా పుట్టినరోజు సందర్భంగా ఎంపీ సంతోష్ కుమార్ చేపట్టిన గ్రీన్ ఇండియా ఛాలెంజ్ కార్యక్రమంలో మొక్కలు నాటడం చాలా అదృష్టంగా భావిస్తున్నానని అన్నారు. పచ్చదనం పెంచడం కోసం చేపట్టిన కార్యక్రమం చాలా గొప్పదని అన్నారు. ఈ కార్యక్రమంను మనందరం ముందుకు తీసుకుపోవాలని పిలుపునిచ్చారు. ప్రతి ఒక్కరు తమ వంతు బాధ్యతగా మొక్కలు నాటి వాటిని సంరక్షించాలని కోరారు.