వైసీపీ రాజ్యసభ అభ్యర్థులు వీరే..!

వైసీపీ రాజ్యసభ అభ్యర్ధుల పేర్లు ఖరారయ్యాయి. ఏపీ నుంచి నాలుగు స్ధానాలకు ఎన్నికలు జరగనుండగా నాలుగింటిని వైసీపీనే గెల్చుకోనుంది. ఈ మేరకు అభ్యర్ధులను ఖరారు చేశారు సీఎం జగన్‌.

ప్రస్తుతం ఎమ్మెల్సీలుగా ఉన్న మోపిదేవి వెంకటరమణ,పిల్లి సుభాష్ చంద్రబోస్‌లతో పాటు అమోధ్య రామిరెడ్డి,ప్రముఖ పారిశ్రామిక వేత్త అనిల్ అంబానీ సన్నిహితుడు పరిమల్‌కు కేటాయించింది. ఇవాళ సాయంత్రం లేదా రేపు అధికారికంగా వీరిపేర్లను ప్రకటించే అవకాశం ఉంది.

2014 ఎన్నికల్లో లోక్ సభకు పోటీచేసి ఓడిపోయిన అయోధ్య రామిరెడ్డిని పెద్దలసభకు పంపారు జగన్‌. అయోధ్య రామిరెడ్డి..మంగళగిరి ఎమ్మెల్యే ఆళ్ల రామకృష్ణారెడ్డి సోదరుడు. 13వ తేదీ వరకు నామినేషన్ల దాఖలకు తుది గడువు ఉండగా మార్చి 26న ఉదయం 9 గంటల నుంచి సాయంత్రం 4 గంటల వరకు పోలింగ్ నిర్వహించనున్నారు.