అరుంధతి, బాహుబలి, రుద్రమదేవి లాంటి సినిమాల్లో నటించిన అనుష్క ‘భాగమతి’ సినిమాలో నటిస్తున్న సంగతి తెలిసిందే. ‘పిల్లజమీందార్’ ఫేమ్ అశోక్ దర్శకత్వంలో యూవీ క్రియేషన్స్ నిర్మిస్తోంది. గత కొన్నాళ్లుగా గ్రాఫిక్స్ వర్క్ జరుపుకుంటున్న ఈ సినిమా దాదాపు రూ. 35 కోట్ల భారీ బడ్జెట్‌తో తెరకెక్కింది. తాజాగా అనుష్క బర్త్‌డే సందర్భంగా ‘భాగమతి’ ఫస్ట్‌లుక్‌ని కూడా విడుదల చేశారు.అంతేకాదు ఈ సినిమా రిలీజ్ డేట్‌ను కూడా ఫిక్స్ చేశారట.
అయితే ఫస్ట్ లుక్‌లో క్రీస్తును శిలువ వేసినట్లుగా, గోడకు ఆమే.. స్వయంగా తన చేతిలో మేకు దించుకున్నట్లుగా చూపించారు. అలాగే బ్యాగ్రౌండ్‌లో సంకెళ్లతో బంధించినట్లుగా బాహుబలి దేవసేన తరహాలో చూపించిన మేకర్స్, వెనుక పెద్ద పెద్ద పురాతన కట్టడాలను తలపించే చిహ్నాలు చూపించారు. ఈ ఫస్ట్ లుక్ ప్రేక్షకులను ఎంతగానో ఆకట్టుకుంది. దీంతో ఈ సినిమాపై అంచనాలు భారీగా పెరిగిపోయాయి. అయితే ఈ చిత్రం వచ్చే ఏడాది.. జనవరి 26న రిపబ్లిక్ డే సందర్భంగా రిలీజ్ కానుంది.
