అరుంధ‌తి, రుద్ర‌మ‌దేవి, బాహుబ‌లి వంటి ఎపిక్స్ మూవీలో న‌టించి త‌న‌లోని స‌త్తాని నిరూపించుకున్న అనుష్క ప్ర‌స్తుతం భాగమతి అనే ఉమెన్ సెంట్రిక్ మూవీతో బిజీగా ఉన్న సంగ‌తి తెలిసిందే. లేడీ ఓరియెంటెడ్ సినిమాలో నటిస్తున్న ఆ అందాల భామ సినిమా రిలీజ్ డేట్స్‌పై రకరకాల ఊహాగానాలు వినిపిస్తున్నాయి. అయితే ఇప్పటివరకు ఆ సినిమాకు సంబంధించి ఎలాంటి అప్‌డేట్ లేకపోవడంతో సినిమా రిలీజ్ ఎప్పుడనే దానిపై సస్పెన్స్ కొనసాగుతోంది.
దీంతో ఆ సస్పెన్స్‌కు తెరదించుతు చిత్ర నిర్మాణ సంస్థ యూవీ క్రియేష‌న్స్ రీసెంట్ గా సోష‌ల్ మీడియా సినిమా షూటింగ్ పూర్తైన తెలియ‌జేసింది. చిత్రానికి సంబంధించిన మిగ‌తా వివ‌రాలు త్వ‌ర‌లో వెల్ల‌డిస్తామ‌న్నారు. పిల్ల జమిందార్ అశోక్ ద‌ర్శ‌క‌త్వంలో భారీ బడ్జెట్ తో ఈ సినిమా తెరకెక్కింది.
ఇప్పటివరకు సినిమాకు సంబంధించి ఫస్ట్ లుక్, టైటిల్ పోస్టర్ కానీ బయటకు రాలేదు. ఈ అనుష్క లుక్ ఎలా ఉంటుంద‌నే ఆస‌క్తి అభిమానుల‌లో చాలా ఉంది. ఈ క్ర‌మంలో చిత్ర యూనిట్ మూవీ ఫస్ట్ లుక్ పోస్టర్ ని వీలైనంత త్వ‌ర‌గా విడుద‌ల చేయాల‌ని భావిస్తున్నార‌ట.
సస్పెన్స్ థ్రిల్ల‌ర్ డ్రామాగా తెర‌కెక్కిన భాగమతి చిత్రంలో అనుష్క ప్ర‌ధాన పాత్ర పోషించ‌గా, ఆది పినిశెట్టి ప్ర‌తి నాయ‌కుడి పాత్ర‌లో క‌నిపించ‌నున్నాడు. తెలుగులోనే కాక త‌మిళం, మ‌ల‌యాళ భాష‌ల‌లోను డ‌బ్ చేసి విడుద‌ల చేయ‌నున్న‌ట్టు స‌మాచారం.
