జూనియర్ ఎన్టీఆర్ – దర్శకుడు కొరటాల శివ కాంబినేష‌న్‌లో ఓ సినిమా రూపుదిద్దుకుంటున్న సంగ‌తి తెలిసిందే. ఈ చిత్రంలో బాలీవుడ్ హీరో రణవీర్ సింగ్ ఓ కీల‌క పాత్ర పోషిస్తున్నారని టాక్. ఎన్టీఆర్ కి స్నేహితుడిగా మరియు విలన్ గా రణవీర్ సింగ్ తెలుగులో ఎంట్రీ ఇవ్వ‌బోతున్నాడట. పైగా ఆర్ఆర్ఆర్ తర్వాత ఎన్టీఆర్ చేస్తున్న తొలి పాన్ ఇండియ‌న్ సినిమా ఇదే. అందుకే ఈ సినిమా పై భారీ అంచనాలు ఉన్నాయి. దీనికితోడు, రణవీర్ సింగ్ కూడా ఈ సినిమాలో నటిస్తే.. బాలీవుడ్ లో కూడా ఈ సినిమా పై అంచనాలు భారీగా పెరిగే ఛాన్స్ ఉంది. ఇప్పటికే మరో బాలీవుడ్ హీరో సైఫ్ అలీఖాన్ కూడా ఈ చిత్రంలో ప్రధాన విలన్ గా నటిస్తున్నాడు.
పైగా ఈ సినిమాలో సైఫ్ అలీఖాన్ ది ప్రామినెంట్ రోల్ అని తెలుస్తోంది. క‌థంతా సైఫ్ అలీఖాన్ చుట్టూనే తిరుగుతుంద‌ట. సైఫ్ అలీఖాన్ కూడా ఈ సినిమాకి బ‌ల్క్ గా డేట్లు కేటాయించిన‌ట్టు స‌మాచారం. సైఫ్ అలీఖాన్ – ఎన్టీఆర్ మధ్య వచ్చే ఫైట్ సీన్లు సినిమా మొత్తంలోనే మెయిన్ హైలైట్ గా నిలుస్తాయట. ఈ సినిమాకి సంబంధించిన ఫుటేజ్ ఆ మధ్య బ‌య‌ట‌కు లీక్ అయ్యింది. అందులో ఎన్టీఆర్ గెట‌ప్‌, స్టైల్‌.. ఫ్యాన్స్‌కి తెగ న‌చ్చేశాయి.
Also Read: శర్వా పెళ్లి వేడుకల్లో చరణ్ సందడి
వింటేజ్ ఎన్టీఆర్ ను చూస్తున్న‌ట్టుంద‌ని తారక్ ఫ్యాన్స్ హ్యాపీ ఫీల‌వుతున్నారు. త్వ‌ర‌లోనే ఈ సినిమా షూటింగ్ తిరిగి స్టార్ట్ కానుంది. ఇప్పుడున్న అప్ డేట్ ప్రకారం జూన్ నాలుగు వారం నుంచి షూట్ స్టార్ట్ కానుంది. మొత్తమ్మీద ఎన్టీఆర్ – కొరటాల శివ కలయికలో మరో క్రేజీ సినిమా రాబోతుంది.
Also Read: ఆదిపురుష్ నుంచి క్రేజీ వార్త
