సందీప్ వంగా దర్శకత్వంలో రణ్‌బీర్ కపూర్, రష్మిక మందన జంటగా నటించిన చిత్రం‘యానిమల్’. నిన్న ప్రపంచవ్యాప్తంగా సినిమా ప్రేక్షకుల ముందుకురాగా తొలిరోజు బాక్సాఫీస్ వద్ద కలెక్షన్ల వర్షం కురిసింది. తొలిరోజు పాజిటివ్ టాక్ సొంతం చేసుకోగా అన్ని భాషల్లో కలుపుకుని తొలిరోజు సుమారు రూ.100 కోట్లు వసూలు చేసింది.
హిందీ వెర్షన్ ఒక్కటే దేశ వ్యాప్తంగా రూ.50 కోట్లు వసూలు చేసిందని టాక్. తెలుగులో రూ.10 కోట్లు, తమిళ వెర్షన్ రూ.40 లక్షలు, కన్నడలో రూ.9 లక్షలు వసూలయ్యాయని టాక్. పఠాన్, జవాన్ తర్వాత ప్రపంచ వ్యాప్తంగా తొలిరోజు రూ.100 కోట్లు వసూలు చేసిన బాలీవుడ్ చిత్రంగా యానిమల్ నిలిచింది.
షారుఖ్-దీపికా జంటగా నటించి స్పై థ్రిల్లర్ పఠాన్ తొలిరోజు రూ.57 కోట్లు వసూలు చేయగా సన్నీ డియోల్‌ గదర్ 2 తొలిరోజు రూ.41 కోట్లు రాబట్టింది. ఈ రెండింటినీ యానిమల్ దాటేసింది. నార్త్ అమెరికాలో ప్రీమియర్స్‌తో కలిసి తొలిరోజు 2.5 మిలియన్ డాలర్లు వసూలు చేయగా ఒక హిందీ సినిమాకు ఇదే తొలిరోజు అత్యధిక వసూళ్లు.
Also Read:అతిగా కూర్చుంటే…అనర్థమే
