నందూతో శ్రీముఖి రొమాన్స్…

శ్రీముఖి, టీవీ ప్రేక్షకులకు పరిచయం అక్కరలేని పేరు. యాంకర్ గా, గేమ్ షో నిర్వాహకురాలిగా ఫుల్ బిజీ.  త‌న అందంతో, మాట‌కారి త‌నంతో తెలుగు బుల్లితెర‌పై అద‌ర‌గొడుతూ మంచి పేరు సంపాదించుకుంది  శ్రీముఖి. నిన్నమొన్నటి వరకూ చిన్నచిన్న పాత్రలనే చేస్తూ వచ్చిన శ్రీముఖి, హర్షవర్ధన్ దర్శకత్వంలో ‘గుడ్ బ్యాడ్ అగ్లీ’లో లీడ్ రోల్ చేస్తోంది. ఆ తరువాత సినిమాను ఆమె వి.ఎస్.వాసు దర్శకత్వంలో చేస్తోంది. ‘కుటుంబ కథా చిత్రం’ అనే పేరుతో ఈ సినిమా తెరకెక్కుతోంది.

నందూ కథానాయకుడిగా నటిస్తోన్న ఈ సినిమాలో శ్రీముఖి ఐటీ ఉద్యోగిగా కనిపించనుంది. కొత్తగా పెళ్లైన ఒక జంట మధ్యలోకి మూడో వ్యక్తి ఎంటర్ కావడం వలన ఎలాంటి పరిణామాలు చోటుచేసుకున్నాయనేది ఈ సినిమా కథాంశమని దర్శకుడు చెప్పాడు. ఈ సినిమాతో శ్రీముఖి మరింత బిజీ కావడం ఖాయమనే అభిప్రాయాన్ని వ్యక్తం చేశాడు.