సోషల్ మీడియాలో ఉన్న సెలబ్రెటీలకు హేట్ మెసేజులన్నవి మామూలే. అందులోనూ అనసూయ లాంటి కాంట్రవర్శల్ యాంకర్లు ఇలాంటి వాటికి ఇప్పటికే బాగా అలవాటు పడిపోయి ఉంటారు. ఆమెను సోషల్ మీడియాలో నెటిజన్లు ఎన్నోసార్లు ట్రోల్ చేశారు. అప్పట్లో అల్లు అర్జున్ గురించి ఆమె చేసిన కామెంట్స్ ఎంత వివాదాస్పదమయ్యాయో.. బన్నీ ఫ్యాన్స్ ఏ రేంజిలో ఆమెను ఆడుకున్నారో తెలిసిందే. అలాంటి సమయంలోనూ బలంగా నిలబడిన అనసూయ.. ఇప్పుడు ఒక ఇష్యూతో ట్విట్టర్-ఫేస్ బుక్ రెండు వదిలేసి వెళ్లిపోవడం ఆశ్చర్యం కలిగిస్తోంది.
తన ఫోటో తీసేందుకు ప్రయత్నించిన బాలుడి ఫోన్ పగుల గొట్టిందని, దుర్భాషలాడిందని మీడియాలో వార్తలు వచ్చిన సంగతి తెలిసిందే. దీనిపై బాధిత మహిళ, అనసూయపై పోలీసులకు ఫిర్యాదు చేసింది. దీంతో సోషల్ మీడియా మాధ్యమంగా దానిపై వివరణ ఇచ్చేందుకు అనసూయ ప్రయత్నించింది. అప్పటికే విమర్శలు చేసిన నెటిజన్లు అనసూయ వివరణతో కాస్త శాంతించారు. అయితే అనసూయ దురుసు వ్యవహారశైలికి సాక్షిని అంటూ ఒక యువకుడు ముందుకు రావడంతో సోషల్ మీడియాలో నెటిజన్లు ఆమెను తీవ్రస్థాయిలో విమర్శించారు.
నెటిజన్ల ఆగ్రహానికి గురైన అనసూయ మనస్థాపంతో తన సోషల్ మీడియా అంకౌట్లను డిలీట్ చేసింది. ట్వీట్టర్ తో పాటు ఫేస్ బుక్ లో కూడా అనసూయ అకౌంట్ కనిపించడం లేదు. నెటిజెన్ల విమర్శలు తట్టుకోలేక అనసూయ ఈ నిర్ణయం తీసుకున్నట్టు తెలుస్తోంది. ఈ అమ్మడు ప్రస్తుతం గాయత్రి,రంగస్తలం 1995 సినిమాలలో నటిస్తుంది.