ఇచ్చిన మాట నిలబెట్టుకున్నారు మహీంద్రా అండ్ మహీంద్రా గ్రూపుల ఛైర్మన్ ఆనంద్ మహీంద్రా. సోషల్ మీడియాలో ఎప్పుడు యాక్టివ్‌గా ఉండే ఆనంద్ మహీంద్రా.. తన దృష్టికి వచ్చిన ఈ చిన్న విషయాన్నైనా సోషల్ మీడియా ద్వారా షేర్ చేస్తూ పెద్ద న్యూస్ చేస్తారు. అలాగే తనకు నచ్చితే మహీంద్రా కారు గిఫ్ట్‌గా ఇచ్చి సర్‌ప్రైజ్ కూడా చేస్తారు.
తాజాగా ఇంగ్లాండ్‌తో టెస్టు సిరీస్ సందర్భంగా ఆరంగేట్రం చేసిన సర్ఫరాజ్ ఖాన్‌కు మాటిచ్చారు ఆనంద్. తొలి ఇన్నింగ్స్‌లోనే ఆరంగేట్ర మ్యాచ్‌లో అర్థసెంచరీతో రాణించిన సర్ఫరాజ్ ఆటతీరుకు ఫిదా అయ్యారు. ఈ మేరకు సర్ఫరాజ్ తండ్రికి థార్ కారును బహుమతి ఇవ్వనున్నట్లు ప్రకటించారు.
చెప్పినట్లుగానే సర్ఫరాజ్ తండ్రికి థార్ కారును బహుమతిగా అందించారు. పిల్లల్లో స్ఫూర్తి నింపేందుకు తండ్రికి ఇంతకంటే మంచి గుణం ఏముంటుంది. స్పూర్తిదాయకమైన తండ్రిగా నౌషాద్ ఖాన్ థార్ కానుకగా స్వీకరిస్తే అదే నాకు ఆనందం అని తెలిపారు.
Also Read:ఢిల్లీ సీఎం కేజ్రీవాల్‌కు బిగ్ షాక్..
