రామ్ మిట్టకంటి, అమిత రంగనాథ్ హీరోహీరోయిన్లుగా నటించిన చిత్రం అమృతరామమ్. ఈ మూవీ సురేందర్‌ కొంటడ్డి దర్శకత్వంలో ఎస్‌ఎన్‌ రెడ్డి నిర్మించారు. ఈ చిత్రం ఏప్రిల్ 29న విడుదల కానుంది. లాక్ డౌన్ కారణంగా రెండు తెలుగు రాష్ట్రాల్లో సినిమా థియేటర్స్ మూతపడ్డాయి. దాంతో ఈ చిత్రాన్ని నిర్మాతలు జీ5 యాప్‌లో ఈ నెల 29న విడుదల చేయనున్నారు. లాక్‌డౌన్‌ నేపథ్యంలో ప్రేక్షకులు ఎక్కువగా ఓటీటీ ప్లాట్‌ఫాం అయినటువంటి అమేజాన్‌ ప్రైమ్‌, నెట్‌ప్లిక్స్‌, ఆహా, జీ5 ఆప్‌లలో సినిమాలు వీక్షిస్తున్నారు.
అందులో భాగంగా అమృతరామమ్ మొదటి తెలుగు సినిమాగా ఓటిటి ప్లాట్ ఫామ్‌లో రానుంది. ఇంటోనే ఉండి ప్రేక్షకులు అమృతరామమ్ సినిమా స్పెషల్ ప్రీమియర్‌ను ఎంజాయ్ చేసే అవకాశాన్ని నిర్మాతలు కల్పించారు. ఇక మూవీ విషయానికొస్తే.. ప్రేమ కోసం పరితపించే అబ్బాయిల కథలను వెండితెరపై మనం చూశాం. అయితే, ఇది అలాంటి ఒకమ్మాయి ప్రేమకథ ఈ అమృతరామమ్, ప్రేమించినవాడి కోసం అమ్మాయి పడే వేదనని కళ్లకు కట్టినట్లు చూపించారు దర్శకుడు. ఓటిటి ప్లాట్ ఫామ్‌లో అమృతరామమ్ మూవీ చూసి ఎంజయ్‌ చేయండి.
