నిత్యం వార్తల్లో ఉండే బాలీవుడ్ క్వీన్ కంగనా రనౌత్‌..తాజాగా బాలీవుడ్ స్టార్ ఆమిర్‌ఖాన్‌పై వ్యంగ్యస్త్రాలు సంధించింది. లాల్‌సింగ్ చడ్డా ఫ్లాప్ తర్వాత ఆమిర్‌ఖాన్‌ దాదాపుగా మీడియాకు దూరంగా ఉన్నారు. అయితే ఇటీవలే ఆయన రచయిత శోభా డే రచించిన ఓ పుస్తకం ఆవిష్కరణ కార్యక్రమంలో పాల్గొని మీడియాతో కాసేపు ముచ్చటించారు. అయితే ఇక్కడ ఓ ఆసక్తికరమైన విషయం చోటు చేసుకుంది.
ఓ విలేకరి అడుగుతూ…ఒకవేళ శోభా డే మీద బయోపిక్ తీస్తే ఆమె పాత్రలో ఎవరు నటిస్తే బాగుంటందని ప్రశ్నించారు. దీనికి బదులు ఇస్తూ…తన మైండ్‌లో ప్రియాంకా దీపికా ఆలియా వీళ్లు గొప్ప నటీమణులు. ఈ ముగ్గురు నటనంటే ఇష్టం అని అన్నారు. అంతలోనే మీరు మరొక పేరు మర్చిపోయారు. అంటూ కంగన పేరు చెప్పింది. అవును కంగన కూడా మంచి నటీమణి అని ఆయన చెప్పుకొచ్చారు.
దీనికి సంబంధించిన వీడియో ఒకటి బయటికి రాగా…తాజాగా కంగన ట్వీట్ చేశారు. అయ్యో పాపం ఆమిర్‌ నటిగా మూడు జాతీయ అవార్డులు అందుకున్న నా పేరు చెప్పకుండా ఉండటానికి ఎంతో శ్రమించారు. కాకపోతే అది సాధ్యం కాలేదు. నా పేరును ప్రస్తావించినందుకు థ్యాంక్యూ శోభా. మా ఇద్దరి రాజకీయ భావాలు వేరైనప్పటికీ నాకళ శ్రమను ప్రశంసించడంలో ఆమె ఏమాత్రం వెనక్కి తగ్గలేదు. ఆమె గొప్పతనానికి నిదర్శనమన్నారు. అయితే దీనిపై నెటిజన్లు భిన్నాభిప్రాయాలను వ్యక్తపరుస్తున్నారు.
ఇవి కూడా చదవండి…
