సూపర్‌ స్టార్ మహేష్‌ బాబు.. త్రివిక్రమ్‌ శ్రీనివాస్‌ కాంబినేషన్‌ లో ఓ మూవీ తెరకెక్కుతోన్న సంగతి తెలిసిందే. ఈ మూవీ త్వరలోనే రెగ్యులర్ షూటింగ్‌ జరుపుకోనున్నట్లు వార్తలు వస్తున్నాయి. ఈ సినిమాలో మహేష్‌ బాబు సరసన పూజా హెగ్డే నటిస్తోన్న సంగతి తెలిసిందే. తాజాగా ఈ సినిమాకు సంబంధించిన ఓ వార్త సోషల్‌ మీడియాలో తెగ వైరల్‌ గా మారుతోంది. ఐకాన్ స్టార్ అల్లు అర్జున్‌ గారాల పట్టి అర్హ ఈ సినిమాలో నటిస్తోందన్న ప్రచారం జరుగుతోంది. భరతుని పాత్రలో అల్లు అర్హ పేరును చిత్ర యూనిట్‌ పరిశీలిస్తున్నట్లు తెలుస్తోంది.
అల్లు అర్జున్‌, త్రివిక్రమ్‌ శ్రీనివాస్‌ సన్నిహితులు కావడంతో ఈ మూవీలో అర్హ నటించడానికి బన్నీ గ్రీన్‌ సిగ్నల్‌ ఇస్తారన్న ప్రచారం కూడా సాగుతోంది. అయితే ఈ చిత్రంలో అల్లు అర్హ నటిస్తుందా లేదా చూడాలి. ఇక మహేష్‌ బాబు త్రివిక్రమ్‌ మూవీ పాన్‌ ఇండియా మూవీగా తెరకెక్కుతోంది. తాజాగా వరుస ప్లాపులతో కెరియర్‌ లో ఇబ్బంది పడుతున్న పూజా హెగ్డే ఈ సినిమాపై భారీ అంచనాలను పెట్టుకుంది. ఈ సినిమా ఘన విజయాన్ని సొంతం చేసుకుంటే పూజా కెరియర్‌ మళ్లీ గాడిన పడినట్టేనని ఆమె అభిమానులు భావిస్తున్నారు.
