స్టైలిష్ స్టార్ అల్లు అర్జున్ , మాటల మాంత్రికుడు త్రివిక్రమ్ శ్రీనివాస్ కాంబినేషన్ లో తెరకెక్కినచిత్రం అల..వైకుంఠపురంలో. సంక్రాంతి కానుకగా జనవరి 12న విడుదలైన ఈచిత్రం భారీ విజయాన్ని నమోదు చేసుకుంది. బాక్సాఫిస్ వద్ద భారీ కలెక్షన్లను రాబడుతోంది. అంతేకాదు అల్లు అర్జున్ కెరీర్ లోనే బిగ్గెస్ట్ హిట్ గా నిలిచింది. విడుదలైన 10రోజుల్లోనే తెలుగురాష్ట్రాల్లో దాదాపు 100కోట్లకు పైగా వసూలు చేసింది. ఇప్పటికే చాలా థియేటర్లలో హౌస్ పుల్ బోర్డులు దర్శనమిస్తున్నాయి.
అయితే తాజాగా ఈమూవీ మరో రికార్డును సృష్టించింది. అల్లు అర్జున్ మెగాస్టార్ చిరంజీవి రికార్డును బ్రేక్ చేశాడు. పది రోజుల్లోనే 3 మిలియన్ మార్క్ అందుకుని టాప్ 5లోకి అడుగుపెట్టబోతున్నాడు అల్లు అర్జున్. చిరంజీవి సైరా మూవీ తర్వాత మహేశ్ బాబు భరత్ అనే నేను , రామ్ చరణ్ రంగస్ధలం సినిమాలను దాటి బన్ని మూడో స్ధానంలోకి వచ్చే అవకాశాలు ఉన్నాయి. చాలా రోజుల గ్యాప్ తర్వాత బన్ని తొలిసారిగా ఇండస్ట్రీ హిట్ ను కొట్టేశాడు.
