వక్కంతం వంశీ దర్శకత్వంలో స్టైలిస్ స్టార్ అల్లు అర్జున్ హీరోగా తెరకెక్కుతున్న చిత్రం ‘నా పేరు సూర్య’. ప్రస్తుతం ఈ మూవీ ప్రమోషన్స్ తో బీజీగా ఉంది. మే 4న ఈ మూవీ విడుదల కానుంది. అయితే ఈనెల 29న జరిగే ప్రీ రిలీజ్ ఈవెంట్ ను భారీ స్థాయిలో నిర్వహించనున్నారని సమాచారం. గచ్చిబౌలిలో ఈ ఈవెంట్ నిర్వహించేందుకు చిత్ర యూనిట్ సన్నాహాలు చేస్తుంది. మరోవైపు ఈ సినిమా కోసం బన్నీ అభిమానులు ఆసక్తిగా ఎదురు చూస్తున్నారు. ఇప్పటికే సినిమాపై అంచనాలు పెంచేశాడు బన్నీ.
అయితే ఈ ఈవెంట్ లో ఓ ప్రత్యేక కార్యక్రమం చేయనున్నారని తెలుస్తోంది. సాధారణంగా ఇలాంటి వేడుకలలో హీరోలను మాములగా స్టేజ్ పైకి ఆహ్వానిస్తుంటారు. కానీ ఈ నా పేరు సూర్య వేడుకలో బన్నీ ఎంట్రీకి వెరైటీగా ప్ల్యాన్ చేస్తున్నారని ఫిలింనగర్ లో వార్తలు వినిపిస్తున్నాయి. ఈ సినిమా కథకి తగ్గట్లుగా… జిమ్నాస్టిక్స్ తో కూడిన ప్రయోగంతో బన్నీని స్టేజ్ పైకి ఆహ్వానించాలని చిత్ర యూనిట్ భావిస్తుంది. ఇందుకుగాను రూ.20 లక్షల వరకు ఖర్చు చేస్తున్నట్లు చెబుతున్నారు. ఈ సినిమాపై అంచనాలను పెంచేందుకు.. ఈ ఈవెంట్ అందరికీ గుర్తుండి పోయేలా చేస్తున్నారని సినీ ప్రేక్షకులు భావిస్తున్నారు. వరుస విజయాలతో దూసుకెళ్తున్న బన్నీ ఈ సినిమాతో మరో హిట్ తన ఖాతాలో వేసుకుంటాడో లేదో వేచి చూడాలి.
