మెగా ప్రొడ్యూస్ అల్లు అరవింద్ కుమారుడిగా మెగా ఫ్యామిలీ ట్యాగ్‌తో టాలీవుడ్‌కు పరిచయమైన హీరో అల్లు అర్జున్. తొలి సినిమా గంగోత్రితో ప్రేక్షకులకు దగ్గరైన బన్నీ…వైవిధ్యమైన మూవీలతో తనకంటూ ఓ ఇమేజ్, ఫ్యాన్ ఫాలోయింగ్ సంపాదించుకున్నారు.
స్టైలీష్ స్టార్‌గా దక్షిణాదిలో ముఖ్యంగా కేరళలో బన్నీకి ఉన్న ఫాలోయింగే వేరు. కేరళలలో ముద్దగా మల్లు అర్జున్ అని పిలచుకునే ఫ్యాన్స్…బన్నీ మూవీ వచ్చిందంటే పండగచేసుకుంటారు. అందుకే సోషల్ మీడియాలో ఈ స్టార్ ను ఫాలో అయ్యేవారి సంఖ్య ఎక్కువగా ఉంటుంది.
మాములుగా హీరోలు వారి సినిమాల ప్రమోషన్స్ కు మాత్రం సోషల్ మీడియాకు ఉపయోగిస్తారు. కానీ ఈ అల్లు వారి హీరో తన సినిమాకు సంబందించిన విశేషాలతో పాటు వ్యక్తిగత విషయాలను కూడా సోషల్ మీడియా లో షేర్ చేస్తుంటారు.
తాజాగా అల్లు అర్జున్‌ని ఇన్‌స్టాగ్రామ్‌లో ఫాలో అయ్యేవారి సంఖ్య 7 మిలియన్స్( 70 లక్షలకు) చేరుకుంది. ఈ నేపథ్యంలో ఫ్యాన్స్ పండగ చేసుకుంటున్నారు.
ప్రస్తుతం అల్లు అర్జున్ సుకుమార్ దర్శకత్వంలో పుష్ప సినిమా చేస్తున్నాడు. లాక్‌డౌన్ తర్వాత సినిమా షూటింగ్ మళ్లీ మొదలు కానుంది. ఇప్పటికే విడుదలైన సినిమా ఫస్ట్ లుక్‌కి మంచిరెస్పాన్స్‌ రాగా బన్నీ సరసన రష్మికా హీరోయిన్‌గా నటిస్తోంది.
