టాలీవుడ్ ఐకాన్ స్టార్ అల్లు అర్జున్ ఏషియన్ సినిమాస్‌తో కలిసి ‘ఏఏఏ’ సినిమాస్ మొదలు పెట్టిన విష‌యం తెలిసిందే. ప్రస్తుతం ఈ మల్టిప్లెక్స్ నిర్మాణంలో ఉంది. అమీర్ పేట్ సత్యం థియేటర్ స్థలంలోనే ఈ మల్టిప్లెక్స్ నిర్మాణం జరుగుతుంది. తాజాగా ఈ మ‌ల్టీప్లెక్స్‌కి సంబంధించి పూజా కార్య‌క్ర‌మం జ‌ర‌గగా, దానికి బన్నీ హాజ‌ర‌య్యాడు. వ‌ర‌ల్డ్ క్లాస్ టెక్నాల‌జీతో హైద‌రాబాద్ ప్ర‌జ‌ల‌ను అల‌రించేలా ఈ థియేటర్ నిర్మిస్తున్న‌ట్టు తెలుస్తుంది. ఈ పూజా కార్యక్రమంలో అల్లు అర్జున్‌తో పాటు సునీల్ నారంగ్, నారాయణ్ దాస్ నారంగ్ తదితరులు హాజరయ్యారు. కాగా, బన్నీ సినిమా థియటర్‌కు సంబంధించి ట్రిపుల్ ఏ లోగో కూడా డిజైన్ చేశారు.
ఇక టాలీవుడ్‌లో ఏషియన్ సినిమాస్ భాగస్వామ్యంతో సూపర్ స్టార్ మహేష్‌ బాబు, యంగ్‌ హీరో విజయ్ దేవరకొండ కూడా సొంత థియేటర్లను కలిగివుండడం తెలిసిందే. ఏఎంబీ సినిమాస్ పేరిట మహేష్‌ బాబు గచ్చిబౌలిలో సినిమా థియేటర్ నిర్మించగా, విజయ్ దేవరకొండ ఏవీడీ సినిమాస్ పేరుతో మహబూబ్ నగర్‌లో సినిమా థియేటర్ నిర్మించారు.
