అల్లరి నరేష్ 55వ చిత్రం స్టార్ట్‌..

కామెడీ కింగ్ అల్లరి నరేష్, టాప్ ప్రొడ్యూసర్ అనిల్ సుంకర కాంబినేషన్ లో వచ్చిన “ఆహా నా పెళ్లంట, యాక్షన్ 3డి, జేమ్స్ బాండ్” చిత్రాలు మంచి విజయం సాధించిన విషయం తెలిసిందే. ఈ హ్యాట్రిక్ హిట్ అనంతరం అల్లరి నరేష్-అనిల్ సుంకరల కాంబినేషన్ లో నాలుగో చిత్రం రానుంది.

ఎ టీవి సమర్పణలో రామబ్రహ్మం సుంకర నిర్మాణ సారధ్యంలో “నందిని నర్సింగ్ హోమ్” చిత్రంతో దర్శకుడిగా తన అభిరుచిని ఘనంగా చాటుకొన్న పి.వి.గిరి దర్శకత్వంలో అల్లరి నరేష్ హీరోగా తెరకెక్కనున్న ఈ చిత్రం పూజా కార్యక్రమాలు ఈరోజు హైద్రాబాద్ లో నిర్వహించబడ్డాయి. అల్లరి నరేష్ నటించే 55వ సినిమా కాగా.. నిర్మాణ సంస్థ ఎకె ఎంటర్ టైన్మెంట్స్ నిర్మించనున్న 15వ చిత్రమిది.