తెలంగాణ సీఎంగా రేవంత్ రెడ్డి ప్రమాణస్వీకారానికి సర్వం సిద్ధమైంది. మధ్యాహ్నం 1.04 గంటలకు సీఎంగా రేవంత్ ప్రమాణ స్వీకారం చేయనుండగా దాదాపు 14 మంది మంత్రులుగా ప్రమాణస్వీకారం చేసే అవకాశం ఉంది. మంత్రి వర్గంలో కాంగ్రెస్ పార్టీ అధికారంలోకి రావడంలో కీలకమైన వరంగల్, నల్గొండ, ఖమ్మం జిల్లాలకు ప్రాధాన్యం దక్కనుంది.
జిల్లాల వారీగా పరిశీలిస్తే..ఖమ్మం నుండి పొంగులేటి,తుమ్మల నాగేశ్వరరావు, భట్టి విక్రమార్క, నల్గొండ నుండి ఉత్తమ్ లేదా ఆయన సతీమణి పద్మావతి, కోమటిరెడ్డి బ్రదర్స్ ఇద్దరికి ఛాన్స్ దక్కే అవకాశం ఉంది. వరంగల్ జిల్లా నుండి సీతక్క, కొండా సురేఖ, కరీంనగర్ నుండి శ్రీధర్ బాబు, పొన్నం ప్రభాకర్, ఆదిలాబాద్ నుండి వివేక్,మెదక్ నుండి దామోదర రాజనర్సింహా, నిజామాబాద్ నుండి సుదర్శన్ రెడ్డి పేర్లు వినిపిస్తున్నాయి. ఇక ఇందులో డిప్యూటీ సీఎంగా భట్టి విక్రమార్క దాదాపు కన్ఫామ్ అయినట్లు విశ్వసనీయ సమాచారం.
రేవంత్ ప్రమాణ స్వీకార కార్యక్రమానికి కాంగ్రెస్ అగ్రనేతలతో పాటు తమిళనాడు సీఎం స్టాలిన్, ఏపీ సీఎం జగన్, మాజీ సీఎంలు కేసీఆర్, చంద్రబాబుతో పాటు పలువురు సినీ,వివిధ రాజకీయ పార్టీల ప్రతినిధులకు ఆహ్వానాలు వెళ్లాయి.
Also Read:కాంగ్రెస్‌తో దోస్తీ.. టీడీపీ సెల్ఫ్ గోల్?
