సోనూపై ప్రశంసల జల్లు..

విపత్కర పరిస్థితుల్లో బాధితులకు నేనున్నా అంటూ అండగా ఉండే నటుడు సోనూ సూద్‌ మరోసారి తన మంచిమనసు చాటుకున్నారు. పంజాబ్‌లోని మోగాలో సోమవారం జరిగిన ఘోర రోడ్డు ప్రమాదంలో 19 ఏళ్ల బాలుడి ప్రాణాలను బాలీవుడ్ నటుడు సోనూసూద్ రక్షించాడు.

సోను ప్రయాణిస్తున్న ఫ్లై ఓవర్ వద్ద ఈ ప్రమాదం జరుగగా ప్రమాదానికి గురైన కారు స్థితిని చూసిన సోనూ అందులో అపస్మారక స్థితిలో ఉన్న బాలుడిని బయటకు తీసి దగ్గరలోని ఆసుపత్రికి తరలించారు. వెంటనే అతన్ని సమీపంలోని ఆసుపత్రికి తీసుకెళ్లడంతో ప్రాణాలతో బయటపడ్డాడు ఆ వ్యక్తి. సోనూ చేసిన పనికి ప్రశంసలు వెల్లువెత్తుతున్నాయి.

సోనూ సూద్ నటించిన ఆచార్య విడుదలకు సిద్ధంగా ఉంది. దీంతో పాటు పృథ్వీరాజ్, ఫతే వంటి పలు బాలీవుడ్ సినిమాల్లో నటిస్తున్నాడు సోనూ.