బాలీవుడ్ స్టార్ అక్షయ్ కుమార్ ఎయిర్ లిఫ్ట్, రుస్తుం, జాలీ ఎల్ ఎల్ బీ 2 చిత్రాలతో మంచి విజయాలు అందుకున్నాడు. ప్రస్తుతం టాయిలెట్‌ – ఏక్‌ ప్రేమ్‌ కథ అనే చిత్రాన్ని చేస్తున్నాడు. వైవిధ్యభరితమైన పాత్ర చేస్తు బాలీవుడ్‌లో తన కంటు స్టార్ ఇమేజ్‌ని సంపాదించుకున్న అక్షయ్ అప్పుడప్పుడు సోషల్ మీడియాలో కూడా హల్‌చల్‌ చేస్తు ఉంటాడు. తాజగా అక్షయ్ తన ట్విటర్‌లో ఓ వీడియో పోస్ట్‌ చేశాడు.
డాడీ డే అవుట్ అంటు ఒక వీడియోను అక్షయ్ కుమార్ తన ట్విట్టర్ ఖాతాలో పోస్టు చేశాడు. అసలు విషయం ఏంటంటే అక్షయ్ కుమార్ భార్య ట్వింకిల్ ఖన్నా తన సోదరి రింకీ ఖన్నాతో కలిసి ఆస్ట్రియా విహారయాత్రకు వెళ్లింది. కుమారుడు ఆరవ్ అమెరికాలో విద్యనభ్యసిస్తున్నాడు. ఈ క్రమంలో అక్షయ్ తన కుమార్తె నిటారాతో కలిసి ఇంట్లో ఉన్నారు. అయితే కుమార్తెను ఆడించేందుకు దగ్గర్లోని చిల్డ్రన్ పార్క్ కు అక్షయ్ తీసుకెళ్లాడు.
ఆ పార్క్‌లో అక్షయ్ తన కుమార్తెను ఊయల ఎక్కించి ఊపాడు. అయితే తన పాప పడిపోతుందేమోనని అక్షయ్ ఆమె దగ్గరగా నిల్చున్నాడు. ఊయలపై ఊగుతున్న నిటారా వేగంగా వచ్చి అక్షయ్ గుండెలమీద తన్నేసింది. అయితే నిటారా మాత్రం కిందపడలేదు కానీ అక్షయ్ కుమార్ పడిపోబోయాడు. ఇక్కడ జరిగిన ఈ సంఘటనను వీడియో తీసిన సోషల్ మీడియాలో అభిమానులతో పంచుకున్నాడు అక్షయ్. డాడీ డే అవుట్ బెడిసికొట్టిందని దానికి క్యాప్షన్ పెట్టాడు. ఈ వీడియో ఇప్పుడు సోషల్ మీడియాలో వైరల్‌ అయింది..
Daddy's day out gone wrong 😬🙈😂 #ParentLife pic.twitter.com/qygsDRsF2U
— Akshay Kumar (@akshaykumar) July 25, 2017
