నాగ్‌తో అఖిల్…ఫ్యాన్స్‌కు పండగే!

తెలుగు చిత్రపరిశ్రమలో మల్టీస్టారర్‌లు కొత్తకాదు. ఇప్పటికే పలువురు స్టార్లు కలిసి నటించిన చిత్రాలు బాక్సాఫీస్ వద్ద అలరించగా ఇక ముఖ్యంగా అక్కినేని ఫ్యామిలీ కలిసి నటించిన సినిమాలు భారీ వసూళ్లను రాబట్టాయి. మనం, బంగార్రాజు చిత్రాలు సక్సెస్ సాధించగా తాజాగా నాగ్- అఖిల్ కాంబోలో సినిమా తెరకెక్కనుంది.

తమిళ దర్శకుడు మోహన్ రాజా దర్శకత్వంలో ఓ వినూత్నమైన కథ వీరిద్దరూ ముందుకురానున్నారు. కథ నచ్చడంతో నాగ్ ఓకే చెప్పినట్లు తెలుస్తోంది. అన్నపూర్ణా స్డూడియోస్ లోనే నిర్మించబోతున్నారు.

గతంలో తండ్రి నాగార్జునతో కలిసి సిసింద్రీ సినిమా చేశారు అఖిల్. తర్వాత మనం సినిమాలో మెప్పించారు. ఈ వార్తల్లో ఎంతవరకు నిజం ఉందో లేదో తెలియదు కానీ ఒకవేళ అధికారిక ప్రకటన వస్తే ఫ్యాన్స్‌కు పండగే.