తమిళనాడులో రాజకీయ వర్గాల్లో వివాదానికి దారి తీసిన వ్యాఖ్యలు వెలువడ్డాయి. సీవీ షణ్ముగం ఒక నిరసన కార్యక్రమంలో పాల్గొంటూ, ప్రముఖ నటి నయనతార గురించి వివాదాస్పదంగా మాట్లాడారు. ఈ వ్యాఖ్యలు విల్లుపురంలో జరిగిన కార్యక్రమంలో వెలువడటం గమనార్హం.
ఈ సందర్భంలో ఆయన, తమిళనాడు ముఖ్యమంత్రి స్టాలిన్ ప్రవేశపెట్టిన ‘ఉంగళ్ కనవై సొల్లుంగళ్’ (మీ కలలను మాకు చెప్పండి) అనే పథకాన్ని విమర్శించారు. ప్రజలు తమ కలలను చెప్పాలని ప్రభుత్వం కోరుతుండగా, వాటిని నెరవేర్చగలరా అని ప్రశ్నిస్తూ వ్యంగ్యంగా మాట్లాడారు.
“అబ్దుల్ కలాం మనల్ని కలలు కనమని చెప్పారు. కానీ ఇప్పుడు సీఎం ప్రజల కలలను తానే నెరవేర్చుతానంటున్నారు. మరి నాకు నయనతార కావాలని అడిగితే అది సాధ్యం చేస్తారా?” అంటూ వ్యాఖ్యానించారు. ఈ వ్యాఖ్యలు మహిళల గౌరవాన్ని దెబ్బతీసేలా ఉన్నాయని విమర్శలు వెల్లువెత్తాయి.
ప్రభుత్వంపై విమర్శలు చేయాలనే ఉద్దేశంతో మాట్లాడినప్పటికీ, ఒక మహిళా నటిని ఈ విధంగా ప్రస్తావించడం తగదని పలువురు అభిప్రాయపడ్డారు. రాజకీయ నేతలు తమ వ్యాఖ్యల్లో బాధ్యతాయుతంగా వ్యవహరించాల్సిన అవసరం ఉందని సామాజిక వర్గాలు సూచిస్తున్నాయి.
Also Read:వినూత్నంగా ‘ఉస్తాద్ భగత్ సింగ్’ ప్రమోషన్స్