తమిళ స్టార్ హీరో చియాన్ విక్రమ్ తనయుడు ధృవ్ తెరంగేట్రం చేస్తున్న విషయం తెలిసిందే. తెలుగులో సెన్సేషనల్ హిట్‌గా నిలిచిన ‘అర్జున్ రెడ్డి’ రీమేక్ ద్వారా ధృవ్‌‌ను హీరోగా పరిచయం చేస్తున్నారు. గిరీశాయా దర్శకత్వం వహిస్తోన్నాడు. ఈ సినిమాను హిందీలో కబీర్‌ సింగ్‌ పేరుతో రీమేక్ చేయగా అక్కడ కూడా భారీ విజయాన్ని సాధించింది. ఈ నేపథ్యంలో ఈ సినిమాను తమిళంలో ‘ఆదిత్య వర్మ’ టైటిల్ తో రీమేక్ చేశారు. ఈ మూవీలో ధృవ్‌కి జోడీగా ‘బనిత సంధు’ నటించింది.
తాజాగా ఈ సినిమాకి విడుదల తేదీని ఖరారు చేశారు. ఈ నెల 21వ తేదీన ఈ సినిమాను భారీస్థాయిలో విడుదల చేస్తున్నారు. ఈ నేపథ్యంలో ఈ సినిమా ప్రమోషన్స్‌ను భారీగా చేస్తున్నారు. ఈ ప్రమోషన్స్‌లో ధృవ్‌తో కలిసి హీరో విక్రమ్ కూడా పాల్గొంటున్నారు. తొలి ప్రయత్నంలోనే ధృవ్ హిట్ కొట్టాలనే ఉద్దేశంతో విక్రమ్ వున్నాడు. ఇటీవల విడుదలైన ట్రైలర్‌ సినిమాపై తమిళనాట భారీ అంచనాలు పెంచింది.
