ప్రభాస్, కృతీ సనన్‌ జంటగా నటించిన చిత్రం ఆదిపురుష్. భారీ బడ్జెట్‌తో తెరకెక్కిన ఈ సినిమా మరికొద్ది గంటల్లో విడుదల కానుంది. ఐతే, ఈ సినిమా తొలి రోజున హిందీలో దాదాపు రూ. 30-32 కోట్ల మేర క‌లెక్షన్స్‌ను రాబట్టే అవకాశం ఉంది. సౌత్ భాష‌ల్లో మొదటి రోజు రూ. 60 నుంచి 70 కోట్ల వ‌సూళ్లు అవుతాయని అంచనా. ప్రపంచవ్యాప్తంగా ఈ మూవీకి రూ. 120-150 కోట్ల మేర‌కు నెట్ క‌లెక్ష‌న్స్ వ‌స్తాయ‌ని ట్రేడ్ వ‌ర్గాలు అంచనా వేస్తున్నారు. మొత్తమ్మీద ఆదిపురుష్ ఫస్ట్ డే క‌లెక్ష‌న్స్ 150 కోట్లు ఉండొచ్చు అని తెలుస్తోంది. ఇక సినిమాకు పాజిటివ్ టాక్ వస్తే.. ఆ తర్వాత కూడా ఆ రేంజ్ కలెక్షన్సే కంటిన్యూ అయ్యే ఛాన్స్ ఉంది.
ఇక ఇప్పటికే ఆది పురుష్ సినిమా నుంచి రిలీజైన ప్ర‌తీ కంటెంట్ ప్రేక్ష‌కులకు అంచ‌నాల్ని పెంచేస్తున్నాయి. అన్నిటికీ మించి ఈ సినిమాలో ప్రభాస్ తొలిసారి పౌరాణికం లుక్‌లో కనిపించనున్నారు. పైగా ఈ సినిమాతో ఐయామ్ బ్యాక్ అంటూ ప్రభాస్ భారీ యుద్ద సన్నివేశాలతో రాబోతున్నాడు. పైగా సినిమాలో మంచి ఎమోషన్స్ కూడా ఉన్నాయట. అన్నట్టు ఆదిపురుష్ సినిమాతో రాబోతున్న ప్రభాస్ మరోసారి తన మంచి మనసు చాటుకున్నాడు. ఆదిపురుష్ మూవీకి పని చేసిన ప్రతి ఒక్కరికీ రూ.10 వేలు చొప్పున వారి బ్యాంక్ అకౌంట్లలో డబ్బులు జమ చేశారు. అలాగే ‘సలార్’ కి పని చేసిన వారికీ కూడా సేమ్ అలాగే వేశారు.
Also Read: రాజకీయాల్లోకి రాను:మనోజ్ బాజ్‌పేయి
దీంతో డార్లింగ్ ఫ్యాన్స్ రియల్ స్టార్ అంటున్నారు. ఈ ‘ఆదిపురుష్’ చిత్రాన్ని రామాయణాన్ని ఆధారంగా చేసుకుని.. ఓం రౌత్‌ ఈ చిత్రాన్ని తెరకెక్కించారు. ఈ సినిమా తెలుగుతో పాటు హిందీ, త‌మిళ, క‌న్న‌డ, మ‌లయాళ భాష‌ల్లో రిలీజ్ కానుంది.
Also Read: బన్నీకి లాభాల పంట పండబోతుంది
