పాన్-ఇండియన్ పౌరాణిక చిత్రం ఆదిపురుష్ అప్ డేట్ కోసం ప్రభాస్ ఫ్యాన్స్ ఎంతో ఆసక్తిగా ఎదురుచూస్తున్నారు. ఓం రౌత్ దర్శకత్వంలో తెరకెక్కుతున్న ‘ఆదిపురుష్’ మూవీ నుంచి తాజాగా అప్‌డేట్ వచ్చింది. ఈ సినిమా ప్రీ రిలీజ్‌ ఈవెంట్‌ను జూన్ 6న తిరుపతిలో భారీ ఎత్తున నిర్వహించనున్నట్లు మేకర్స్ ప్రకటించారు. ఆదిపురుష్ లో ప్రభాస్ శ్రీరాముడిగా నటిస్తోన్నాడు అనగానే అందరిలోనూ ఆసక్తి రెట్టింపు అయింది.
ఇప్పటికే రిలీజైన ట్రైలర్, జై శ్రీరామ్ సాంగ్ సినిమాపై అంచనాలను పెంచాయి. కాగా, కృతిసనన్ హీరోయిన్‌గా నటిస్తున్న ఈ మూవీ జూన్ 16న ప్రపంచవ్యాప్తంగా విడుదల కానుంది. ఆదిపురుష్ చిత్రాన్ని ఒకే స‌మ‌యంలో 15 దేశీయ, అంత‌ర్జాతీయ భాష‌ల్లో విడుదల చేయ‌బోతున్నారు. ఈ సినిమాలో రావణాసురుడిగా సైఫ్ అలీఖాన్ నటిస్తున్నారు. గ్రాఫిక్స్ కి అత్యంత ప్రాధాన్యత వున్న ఈ మూవీని మోషన్ కాప్చర్ విధానంలో షూట్ చేస్తున్నారు. అంటే.. నటీనటుల కదలికలు, హావభావాలు రికార్డు చేసి, వాటికి సాంకేతికత సాయంతో మిగిలిన హంగులను జోడిస్తారు.
Also Read: రానా తేజ కాంబోలో మరో సినిమా..!
దీనివల్ల సినిమా చూడడానికి బాగా ఆసక్తికరంగా ఉంటుంది. ఈ హై-బడ్జెట్ చిత్రంలో సన్నీ సింగ్ కూడా కీలక పాత్రలో కనిపించాడు. వచ్చే వారం నుంచి చిత్ర బృందం ప్రమోషన్స్ కోసం రెడీ అవుతోంది. బాలీవుడ్ సంస్థ టీసిరీస్ ప్రభాస్ తో దాదాపు 500 కోట్ల బడ్జెట్ తో ఈ సినిమా చేయడం నిజంగా విశేషమే. ఈ సినిమా హిట్ అయితే ప్రభాస్ రేంజ్ డబుల్ అయినట్టే.
Also Read: బాలయ్య ఫ్యాన్స్ కి క్రేజీ అప్ డేట్స్
