టాలీవుడ్‌ యంగ్‌ హీరో నితిన్‌తో వక్కంతం వంశీ దర్శకత్వంలో ఓ చిత్రం తెరకెక్కనుంది. ఈ సినిమాకి ‘జూనియర్’ అనే టైటిల్‌ను ఆయన ఖరారు చేశాడు. అయితే ఈ మూవీలో నితిన్ సరసన పెళ్లి సందD బ్యూటీ శ్రీలీలను ఎంపిక చేసినట్టుగా సమాచారం. ఇప్పటికే శ్రీలీల ఓ అరడజను ప్రాజెక్టులకు గ్రీన్ సిగ్నల్ ఇచ్చింది. త్వరలోనే ఈ ప్రాజెక్టును పట్టాలెక్కించనున్నారు. ఇక వక్కంతం వంశీ మంచి రైటర్.. ఎన్నో సినిమాలకు పనిచేసిన అనుభవం ఉంది. అయితే దర్శకుడిగా తొలి ప్రయత్నంలో సక్సెస్ ను చూడలేకపోయిన ఆయన, రెండవ ప్రాజెక్టుగా ఈ సినిమా చేస్తున్నాడు.
కాగా, ప్రస్తుతం నితిన్ ‘మాచర్ల నియోజక వర్గం’ సినిమాతో బిజీగా ఉన్నాడు. నితిన్ సొంత బ్యానర్లో నిర్మితమవుతున్న ఈ సినిమాకి రాజశేఖర్ రెడ్డి దర్శకత్వం వహిస్తున్నాడు. గ్రామీణ నేపథ్యంలోని రాజకీయాల చుట్టూ నడిచే కథ ఇది. ఈ సినిమాలో కథానాయికగా కృతి శెట్టి కనిపించనుంది. ఇప్పటికే ఈ సినిమా షూటింగు ముగింపు దశకి చేరుకుంది.
