మొక్కలు నాటిన హీరోయిన్‌ ప్రగ్యా జైస్వాల్..

49
Pragya Jaiswal

రాజ్యసభ సభ్యులు జోగినిపల్లి సంతోష్ కుమార్ చేపట్టిన గ్రీన్ ఇండియా ఛాలెంజ్ నూతన ఉత్సాహంతో ముందుకు కొనసాగుతుంది. ప్రముఖులు ఒకరి నుండి ఒకరు ఛాలెంజ్ స్వీకరించి మొక్కలు నాటడానికి ఉత్సాహం చూపుతున్నారు. ఇందులో భాగంగా నటి పాయల్ రాజ్ పుత్ ఇచ్చిన ఛాలెంజ్‌ను స్వీకరించి ఈరోజు జూబ్లీహిల్స్ లోని పార్కులో ప్రముఖ హీరోయిన్ ప్రజ్ఞ జస్వాల్ మొక్కలు నాటారు.

ఈ సందర్భంగా ఆమె మాట్లాడుతూ.. పకృతిని అందరూ ప్రేమించి బాధ్యతగా మొక్కలు నాటాలని.. మొక్కల నుండి వచ్చే ఆక్సిజన్ తోనే మనం ఈ రోజు జీవనం కొనసాగిస్తున్నామని మనకు ఏదైనా జరిగినప్పుడు హాస్పిటల్లో ఉన్నప్పుడు ఆక్సిజన్ ను మనం చాలా డబ్బులు ఖర్చు చేసి కోనడం జరుగుతుంది అలాంటి ఆక్సిజన్ ఉచితంగా ఇచ్చే మొక్కలను నాటి సంరక్షించే బాధ్యత మనందరిపై ఉన్నది. ప్రతి మనిషి కనీసం మూడు మొక్కలు నాటాలని ఆమె పిలుపునిచ్చారు.

ఇంత మంచి కార్యక్రమం చేపట్టి ముందు తీసుకబోతున్న రాజ్యసభ సభ్యులు జోగినిపల్లి సంతోష్ కుమార్ గారికి, గ్రీన్ ఇండియా ఛాలెంజ్ సంస్థ వారికి అభినందనలు తెలియజేశారు. ఈ ఛాలెంజ్ ఇదేవిధంగా కొనసాగాలని అందులో భాగంగా సినీ నటి రెజీనా కసండ్రా, డైరెక్టర్ బోయపాటి శ్రీను, ప్రముఖ యోగా గురు అనుష్క లను గ్రీన్ ఇండియా ఛాలెంజ్ స్వీకరించి మొక్కలు నాటాలని పిలుపునిచ్చారు. ఈ సందర్భంగా గ్రీన్ ఇండియా ఛాలెంజ్ ప్రతినిధులు “వృక్ష వేదం” పుస్తకంను ప్రజ్ఞా జైస్వాల్‌కు అందజేయడం జరిగింది.