గ్రీన్ ఛాలెంజ్‌లో పాల్గొన్న నటి మాధవి లత..

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్‌లో భాగంగా ఈరోజు జూబ్లీహిల్స్ జీహెచ్‌ఎంసీ పార్క్‌లో సినీ నటి మాధవి లత మొక్కలు నాటారు. ఈ సందర్భంగా మాధవి లత మాట్లాడుతూ.. ఎంపీ సంతోష్ కుమార్ చేపట్టిన గ్రీన్ ఇండియా ఛాలెంజ్‌లో పాల్గొని మొక్కలు నాటడం సంతోషంగా ఉందని అన్నారు. ప్రతి ఒక్కరు తమ ఇంటి వద్ద మొక్కలు నాటాలని కోరారు. మనం ఆరోగ్యంగా ఉండాలంటే మొక్కలు చాలా అవసరం అని చెట్లను కట్ చేయకుండా ప్రతి ఒక్కరు మొక్కలు నాటి గ్రీనరి పెంచాలని ఆమె కోరారు.ఈ సందర్భంగా తన స్నేహితులకు గ్రీన్ ఇండియా ఛాలెంజ్ స్వీకరించి మొక్కలు నాటాలని మాధవి లత ఛాలెంజ్ విసిరారు.