కీర్తీ సురేష్ కథానాయికగా నాగ్‌అశ్విన్‌ దర్శకత్వంలో తెరకెక్కుతున్న చిత్రం మహానటి. ఈ సినిమా మహానటి సావిత్రి జీవిత కథా ఆధారంగా తెరకెక్కుతుంది. కీర్తీ సురేష్ ఇందులో సావిత్రి పాత్ర పోషిస్తుండగా జెమినీగణేశన్‌గా మలయాళ నటుడు దుల్కర్‌సల్మాన్‌ నటించారు. వైజయంతి మూవీస్ బ్యానర్‌పై సీనియర్ నిర్మాత సి.అశ్వనీదత్ ప్రతిష్ఠాత్మకంగా ఈ చిత్రాన్ని తెరకెక్కిస్తున్నారు. తెలుగులో మహానటి పేరుతో విడుదలవుతుండగా తమిళంలో నడిగైయార్‌ తిలగం పేరుతో విడుదలవుతోంది. ఈ సందర్భంగా ఇటీవల చిత్ర యూనిట్ ఏర్పాటు చేసిన విలేకర్ల సమావేశంలో కీర్తీ సురేష్ సావిత్రి పాత్ర గురించి, తన అనుభవాలు మీడియాతో పంచుకుంది.
కీర్తీ సురేష్ మీడియాతో మాట్లాడుతూ…ముందుగా సావిత్రి పాత్ర అనగానే అంత పెద్ద మహానటిలా నేను నటించగలనా అని కొన్ని సందేహాలు వచ్చాయి. డైరెక్టర్ నాగ్ అశ్విన్ నాపై ఉంచిన నామ్మకం వల్లే నేను ఈ సినిమా చేశాను. సావిత్రి పాత్రలో నేను నటించడమనేది నేను నా అదృష్టంగా భావిస్తున్నాను. సావిత్రి పాత్రలో నటించేకంటే ముందు నేను అనేక కసరత్తులు చేశానని, ఆమె నటించిన పలు సినిమాలను చేశాను తెలిపారు. నిజ జీవితంలో ఆమె గురించి తెలుసుకునే ప్రయత్నంలో ఆమె కూతురు చాముండేశ్వరిని వివరాలను అడిగి తెలుసుకున్నానన్నారు.
మొత్తానికి మహానటి చిత్ర యూనిట్ కృషి వల్లే నేను నటించగలిగానని కీర్తీ సురేష్ అన్నారు. ఈ సినిమా మే 9న ప్రపంచ వ్యాప్తంగా విడుదలకు సిద్దమవుతోంది.
