గొప్ప దేశ భక్తుడు..…క్రమశిక్షణకు మారుపేరు…ఓ గొప్ప సైంటిస్టు…. గొప్ప రాష్ట్రపతి…. మంచి రచయిత. అంతకు మించిన మార్గనిర్దేశకుడు… ఆయనే మిస్సైల్ మ్యాన్‌ డాక్టర్ APJ అబ్దుల్ కలాం.పేపర్ బాయ్ నుంచి ప్రెసిడెంట్ దాకా సాగిన ఆయన పయనం ఎందరికో ఆదర్శం.. దేశ చరిత్రను ప్రపంచానికి చాటిచెప్పిన మహానీయుడు కలాం. రాజకీయాలకు అతీతంగా కలాం సేవలను అందరూ స్మరించుకున్న వారే. అలాంటి మహానీయుడిపై నోరుపారేసుకున్నాడో పూజారి.
అబ్దుల్ కలాం ముమ్మాటికీ జీహాదీనే. డీఆర్డీవో చీఫ్ గా ఉన్నప్పుడే అణుబాంబు ఫార్ములాను పాకిస్తాన్ కు అందజేశాడని ఆరోపించారు ఘజియాబాద్ ఆలయ పూజారి నర్సింగానంద. రాష్ట్రపతి పదవి చేపట్టిన తర్వాత తన ఆఫీసులో కేవలం ముస్లింల కోసమే ఓ పేషీని తెరిచి, వారి సమస్యలపై ఎప్పటికప్పుడు స్పందించేవాడని విమర్శించారు.
కలాం ఒక్కడే కాదు, ఇండియాలో అత్యున్నత పదవులు పొందిన ముస్లింలు అందరూ దేశ వ్యతిరేకులే అని సెలవిచ్చాడు. కలాంపై ఘజియాబాద్ పూజరి చేసిన వ్యాఖ్యలు వివాదానికి కేరాఫ్‌గా మారాయి.
