జూనియర్ ఎన్టీఆర్ తో కొరటాల శివ పాన్ ఇండియా సినిమా చేస్తున్న సంగతి తెలిసిందే. కాగా ఈ సినిమాలో క్రేజీ యంగ్ బ్యూటీ జాన్వీ కపూర్ హీరోయిన్ గా యాక్ట్ చేయబోతుంది. హీరోయిన్ జాన్వీ కపూర్ కి సిస్టర్ గా మరో హీరోయిన్ పాత్ర కూడా ఉంది. ఈ పాత్రలో కృతి శెట్టి నటించబోతుందని కొత్త రూమర్ వినిపిస్తోంది. అయితే, ఈ రూమర్ లో వాస్తవం ఎంత ఉందని ఆరా తీస్తే ఇది నిజమే అని కొరటాల శివ టీంలోని ఓ సభ్యుడు చెప్పుకొచ్చాడు.
ఎన్టీఆర్ ఆమెను రిఫర్ చేశాడని.. గతంలో కృతి శెట్టి రిక్వెస్ట్ చేయగా ఎన్టీఆర్ ఆమెకు ఛాన్స్ ఇచ్చాడు. ఈ సినిమా పై ఫ్యాన్స్ లో అంచనాలు భారీగా పెరిగిపోయాయి. ఇప్పుడు ఫ్యాన్స్ ను సంతృప్తిపరచడానికి కొరటాల శివ అన్ని రకాలుగా ఆలోచించాల్సి వస్తోంది. దాంతో భారీ సీన్స్ రాయాల్సి వస్తోంది. సహజంగా కొరటాల శివ కి కొన్ని అలవాట్లు ఉన్నాయి. తన ప్రతి సినిమాలో తన అభిరుచికి తగ్గట్టు కొరటాల శివ కచ్చితంగా ఓ భారీ ఫైట్ ను డిజైన్ చేస్తాడు.
గమనిస్తే.. కొరటాల శివ ప్రతి సినిమాలో ఓ ప్రత్యేక ఫైట్ సీన్ ఉంటుంది. పైగా ఆ సీన్స్ అన్నీ ఫ్యామిలీ టచ్ తో పాటు భారీ మేసేజ్ డైలాగ్స్ మిక్స్ చేసి ఉంటాయి. ఇప్పుడు ఎన్టీఆర్ సినిమా కోసం కూడా కొరటాల శివ ఇదే తరహా ఫైట్ ను ప్లాన్ చేశాడు. ఈ చిత్రం కోసం కొరటాల శివ ఢిల్లీలోని భిన్నమైన రాజకీయ నేపథ్యం ఎంచుకున్నారని, అలాగే పలనాటి ప్రాంతానికి సంబంధించిన నేపథ్యాన్ని కూడా చూపిస్తారని టాక్ ఉంది.
ఇవి కూడా చదవండి…
