మిర్యాలగూడ వాసికి సివిల్స్ లో ఏడో ర్యాంక్

నిన్న సాయంత్రం విడుదలైన సివిల్ సిర్వీస్ ఫలితాల్లో తెలుగు విద్యార్దులు ప్రభంజనం సృష్టించారు. మిర్యాలగూడకు చెందిన కర్నాటి వరుణ్ రెడ్డి సివిల్స్‌లో ఆలిండియా స్థాయిలో ఏడో ర్యాంక్ సాధించారు. గతంలో 170వ ర్యాంక్ సాధించిన వరుణ్.. ప్రస్తుతం ఐఆర్ఎస్ శిక్షణలో ఉంటూనే తన ప్రయత్నం మళ్లీ కొనసాగించారు. జాతీయస్థాయిలో సత్తా చాటారు. వరుణ్ రెడ్డి తండ్రి కర్నాటి జనార్ధన్ రెడ్డి మిర్యాలగూడలో ప్రముఖ కంటి వైద్యులు కాగా.. వరుణ్ తల్లి పోరెడ్డి నాగమణి మిర్యాలగూడలో వ్యవసాయ శాఖ ఏడీఏగా ఉద్యోగ బాధ్యతలు నిర్వహిస్తున్నారు.