కింగ్ నాగార్జున ప్రస్తుతం బంగార్రాజు సినిమాలో నటించనున్నాడు. సోగ్గాడే చిన్నినాయన చిత్ర దర్శకుడు కళ్యాణ్ కృష్ణ ఈమూవీని తెరకెక్కించనున్నారు. డైరెక్టర్ కళ్యాణ్ కృష్ణ ఈ చిత్రానికి సంబంధించిన స్క్రిప్ట్ వర్క్ పూర్తి చేసి హీరోయిన్ ను వెతికే పనిలో ఉన్నాడని సమాచారం. ఇందులో భాగంగా లేడి సూపర్ స్టార్ నయనతారకు స్టోరీ వినిపించాడట. కథ నచ్చడంతో ఈమూవీ లో నటించేందుకు ఆమె గ్రీన్ సిగ్నల్ ఇచ్చిందని తెలుస్తుంది.
అయితే దీనిపై త్వరలోనే అధికారక ప్రకటన చేయనుంది చిత్ర యూనిట్. నయనతార ప్రస్తుతం తెలుగులో చిరంజీవి సరసన సైరా మూవీలో నటిస్తుంది. గ‌తంలో నాగ్, నయనతార గ్రీకు వీరుడు, బాస్ అనే చిత్రాల‌లో నటించిన విషయం తెలిసిందే. త్వరలోనే ఈసినిమాను సెట్స్ మీదకు తీసుకువెళ్లెందుకు ప్రయత్నాలు చేస్తున్నారు. మరోవైపు ఈమూవీలో నాగచైతన్య కూడా నటించనున్నాడని తెలుస్తుంది.
అలాగే ఈచిత్రంలో నాగార్జున తాత పాత్రలో కనిపించనున్నాడట. ప్రస్తుతం నాగ్ మ‌న్మ‌థుడు 2 చిత్రంతో బిజీగా ఉన్నారు. రాహుల్ ర‌వీంద్ర‌న్ దర్శకత్వంలో తెర‌కెక్కుతున్న ఈ చిత్రంలో ర‌కుల్ ప్రీత్ సింగ్ క‌థానాయిక‌గా నటిస్తుంది. కళ్యాణ్ కృష్ణ దర్శకత్వంలో తెరకెక్కిన సొగ్గాడే చిన్నినాయనా మూవీ ఘన విజయంసాధించిన విషయం తెలిసిందే. దానికి ప్రీక్వేల్ గా వస్తున్న బంగార్రాజు మూవీ ఏమేరకు విజయం సాధిస్తుందో చూడాలి మరి.
