త‌మిళ స్టార్ దర్శకుడు శంకర్-కమల్ హాసన్‌ దర్శకత్వంలో తెరకెక్కుతున్న చిత్రం భారతీయుడు 2. కమల్ సరసన కాజల్ నటిస్తుండగా రెండు షెడ్యూల్స్ కంప్లీట్ చేసుకున్న ఈ చిత్రంపై పుకార్లు షికారు చేస్తున్నాయి. దర్శకుడు శంకర్ కు మరియు లైకా ప్రొడక్షన్స్ నిర్మాతలకు వచ్చిన కలహాలవల్ల సినిమా ఆగిపోనుందని వార్తలు వెలువడ్డాయి. ఈ నేపథ్యంలో భారతీయుడు 2 సినిమాపై క్లారిటీ ఇచ్చింది లైకా ప్రొడక్షన్స్.
సినిమా ఆగిపోలేదని ఇప్పటికే షూటింగ్ రెండు షెడ్యూల్స్ పూర్తయ్యాయని, మరొక షెడ్యూల్ ను త్వరలో మొదలు పెట్టనున్నామని స్పష్టం చేశారు లైకా ప్రొడక్షన్స్ ప్రతినిధులు. దాదాపు రూ. 500 కోట్లతో భారతీయుడు 2 చిత్రాన్ని అత్యంత భారీగా నిర్మించేందుకు లైకా సంస్థ సన్నాహాలు చేస్తోంది.
గతంలో శంకర్-కమల్ కాంబినేషన్‌లో భారతీయుడు సంచలన విజయాన్ని సొంతం చేసుకుంది. అవినీతిపై ఓ భారతీయుడు చేసే పోరాటం నేపథ్యంలో తెరకెక్కిన ఈ చిత్రం బాక్సాఫీస్ వద్ద మంచి వసూళ్లను రాబట్టింద. ఈ నేపథ్యంలో భారతీయుడు 2పై భారీ అంచనాలు నెలకొన్నాయి. ఈసినిమాలో శింబు కీలకపాత్రలో నటిస్తుండగా బాలీవుడు నటుడు అక్షయ్‌ విలన్‌గా నటిస్తున్నట్లు ప్రచారం జరుగుతోంది.
