దర్శకధీరుడు రాజమౌళి దర్శకత్వంలో బాహుబలి లాంటి భారీ చిత్రం తరువాత ఎన్టీఆర్, రామ్ చరణ్‌లతో భారీ మల్టీస్టారర్ సినిమా తెరకెక్కిస్తోన్న విషయం తెలిసిందే. డీవీవీ ఎంటర్టైన్మెంట్స్ బ్యానర్ పై భారీ బడ్జెట్ తో ఈ సినిమాను తెరకెక్కిస్తున్నారు. ఈ సినిమా పిరియాడిక్‌ బ్యాక్‌డ్రాప్‌లో తెరకెక్కనుందన్న టాక్‌ వినిపిస్తోంది. ప్రస్తుతం రెండో షెడ్యూల్‌ షూటింగ్ జరుపుకుంటున్న ఈసినిమాకు సంబంధించి మరో ఇంట్రస్టింగ్‌ న్యూస్‌ టాలీవుడ్‌లో హల్‌చల్‌ చేస్తోంది.
ఈ సినిమాలో రెబల్‌ స్టార్‌ ప్రభాస్ అతిథి పాత్రలో కనిపించనున్నాడట. రామ్‌చరణ్‌, ఎన్టీఆర్‌లతో పాటు ప్రభాస్‌ను కూడా ఒకే ఫ్రేమ్‌లోచూపించేందుకు రాజమౌళి ప్లాన్‌ చేస్తున్నట్టుగా ప్రచారం జరుగుతోంది. అయితే ఇప్పటికే ఈ సినిమాకు సంబంధించి చాలా వార్తలు వినిపిస్తున్నా.. చిత్రయూనిట్ మాత్రం ఏ విషయాన్ని ఇంకా తెలియజేయలేదు. మరి ఈ విషయంపై రాజమౌళి క్లారిటీ ఇవ్వల్సివుంది.
