‘విశ్వాసం’ ట్రైలర్‌తో అదరగొట్టిన అజిత్‌..

తమిళ హీరో అజిత్ న‌టించిన తాజా చిత్రం ‘విశ్వాసం’. జ‌న‌వ‌రి 10న విడుద‌ల కానున్న ఈ చిత్రంపై అభిమానుల‌లో భారీ ఎక్స్‌పెక్టేష‌న్స్ ఉన్నాయి. అజిత్‌కు త‌మిళంలోనే కాదు తెలుగులోను ఎంత ఫ్యాన్ ఫాలోయింగ్ ఉందో ప్ర‌త్యేకంగా చెప్ప‌న‌క్క‌ర్లేదు. ఆయ‌న సినిమాల కోసం అభిమానులు ఎంతో ఆస‌క్తిగా ఎదురు చూస్తుంటారు. తాజాగా అజిత్ న‌టించిన ‘విశ్వాసం’ చిత్ర ట్రైల‌ర్ విడుద‌లైంది. ఈ సినిమాలో అజిత్‌కు జోడీగా నయనతార, ప్రతినాయకుడి పాత్రలో జగపతిబాబు నటిస్తున్నారు.

ఈ చిత్రానికి శివ దర్శకత్వం వహిస్తున్నాడు. ఈ సినిమాలో అజిత్ పక్కా యాక్షన్‌తో అదరగొట్టేశాడు. సత్యజ్యోతి ఫిల్మ్స్‌ సంస్థ నిర్మించిన ఈ సినిమాకు ఇమాన్ సంగీతం అందించారు. ఈ మూవీ తమిళనాడులోని ఓ పల్లె నేపథ్యంలో సాగనుంది. విశ్వాసం సినిమాలో సత్యరాజ్‌, ప్రభు గణేశన్‌, సంపత్‌రాజ్‌, యోగిబాబు, వివేక్ తదితరులు కీలక పాత్రల్లో నటించారు. ఈ సినిమాను సంక్రాంతి పండుగ సందర్భంగా ప్రేక్షకుల ముందుకు తీసుకొచ్చేందుకు నిర్మాతలు సన్నాహాలు చేసుకుంటున్నారు. ఈ ట్రైలర్‌ను మీరూ చూడండీ..!