డిసెంబర్ 21న ‘దట్ ఈస్ మహాలక్ష్మి’ టీజర్..

గతంలో కంగనా రనౌత్ నటించిన హిందీ హిట్ చిత్రం ‘క్వీన్’ను తెలుగు, కన్నడ, తమిళం, మలయాళం భాషల్లో రీమేక్ చేస్తున్న సంగతి తెలిసిందే. అన్ని భాషల్లోకి ఈ చిత్రాన్ని ఒకేసారి తెరకెక్కిస్తున్నారు. తెలుగు రీమేక్‌కి ప్రశాంత్ వర్మ దర్శకుడిగా వ్యవహరిస్తున్నాడు.

టాలీవుడ్లో తమన్నా ప్రధాన పాత్రగా రూపొందిన ఈ చిత్రానికి ‘దటీజ్ మహాలక్ష్మి’అనే టైటిల్ ను ఖరారు చేసుకున్నారు. ఇటీవలే షూటింగు పార్టును పూర్తి చేసుకున్న ఈ సినిమా, ప్రస్తుతం పోస్ట్ ప్రొడక్షన్ పనులు జరుపుకుంటోంది. ఈ నెల 21వ తేదీన ఈ సినిమా నుంచి టీజర్ ను వదలనున్నారు. బాలీవుడ్ సంగీత దర్శకుడు అమిత్ త్రివేది ఈ సినిమాకి సంగీతాన్ని అందించారు. ఈ సినిమాను ఎప్పుడు విడుదల చేయనున్నది త్వరలోనే ప్రకటించనున్నారు.