ట్రెండింగ్‌లో విజయ్‌ నీ వెనకాలె నడిచి

పెళ్లి చూపులు చిత్రంతో అంద‌రి దృష్టి ఆక‌ర్షించిన యూత్‌ఫుల్ హీరో విజ‌య్ దేవ‌ర‌కొండ. అర్జున్ రెడ్డి హిట్‌తో వరుస సినిమాలను చేస్తున్న విజయ్‌ ప్రస్తుతం ట్యాక్సీవాలాతో పెద్ద హిట్‌ని అందుకున్నాడు. తాజాగా డియ‌ర్ కామ్రేడ్ అనే చిత్రంతో బిజీగా ఉన్న విజయ్‌ మరోసారి సోషల్ మీడియా అట్రాక్షన్‌ కొట్టేశాడు.

భానుశ్రీ తేజ ద‌ర్శ‌క‌త్వంలో ఓ మ్యూజిక్ వీడియో చేశాడు.ఈ సాంగ్‌లో విజ‌య్ దేవ‌ర‌కొండ‌తో ప్రెట్టీ గార్ల్ ఫేం మ‌లోబికా న‌టించింది. నీ వెన‌కాలే న‌డిచి అంటూ సాగే ఈ వీడియోకి సౌర‌భ్- దుర్గేష్ స్వ‌రాలు స‌మకూర్చారు. అనంత శ్రీరామ్ లిరిక్స్ అందించగా చిన్మ‌యి ఆల‌పించింది. ప్ర‌స్తుతం సోష‌ల్ మీడియాలో ఈ వీడియో వైరల్‌గా మారింది. కేవలం మూడు రోజుల్లో పది లక్షల వ్యూస్‌తో దూసుకుపోతోంది. యూ ట్యూబ్ ట్రెండింగ్‌లో నాలుగో స్ధానంలో నిలిచింది.