సూపర్ స్టార్ మహేశ్ బాబు హీరోగా వంశీ పైడిపల్లి దర్శకత్వంలో ‘మహర్షి’ సినిమా షూటింగ్ శరవేగంగా సాగుతున్న సంగతి తెలిసిందే. పూజా హెగ్డే హీరోయిన్ గా నటిస్తున్న ఈ సినిమాలో హీరో అల్లరి నరేష్ ఒక కీలక పాత్ర పోషిస్తున్నాడు. దేవి శ్రీ ప్రసాద్ ఈ సినిమాకు సంగీత దర్శకుడు. ఈ సినిమా తాజా షెడ్యూల్ మరికొద్ది రోజుల్లో అమెరికాలో స్టార్ట్ కానుంది. సినిమాకు అతి ముఖ్యమైన ఈ షెడ్యూల్ దాదాపు నెల రోజుల పాటు జరుగనుందట. ఈ షెడ్యూల్ కంప్లీట్ అయిన తర్వాత మళ్ళీ ఇండియాలో షూటింగ్ కొనసాగిస్తారట. ఫైనల్‌గా మళ్ళీ మరో షెడ్యూల్ అమెరికాలో ఉంటుందని సమాచారం.
అయితే ఈ షెడ్యూల్‌లో ఒక ప్రత్యేకత ఉంది. అదేంటనేగా మీ సందేహం.. మహర్షి మూవీ నుండి ఇదివరకే ఫస్ట్‌లుక్‌ విడుదలైన సంగతి తెలిసిందే. అయితే మహేష్ ఇప్పుడు మరో డిఫరెంట్ లుక్‌లో కనిపించబోతున్నడని తెలుస్తుంది. ఇప్పటివరకూ గడ్డంతో ఉన్న లుక్‌లో కనిపించిన మహేష్ ఇప్పుడు మాత్రం గడ్డం లేకుండా మరో కొత్త లుక్‌లో కనిపిస్తాడట.
మొదటి లుక్‌తో మహేష్ ఫ్యాన్స్‌కు సర్ ప్రైజ్ చేసినట్టే ఈ లుక్ కూడా ఫ్యాన్స్‌కు నచ్చేలా మహేష్, దర్శకుడు వంశీ జాగ్రత్తలు తీసుకుంటున్నారట. ఈ కీలకమైన షెడ్యూల్ కోసం మహేష్ బాబు.. ఇతర యూనిట్ సభ్యులు ఇప్పటికే అమెరికాకు బయలుదేరారట. మహేష్ బాబు కెరీర్లో ఇది 25 వ చిత్రం కావడంతో ప్రేక్షకులలో మహేష్ అభిమానుల్లో ఆసక్తి నెలకొంది.
