పూజా హెగ్డే. సన్నగా.. నాజూగ్గా కనిపించే ముద్దుగుమ్మ. అక్కినేని నాగచైతన్య హీరోగా నటించిన ఒక లైలా కోసం” చిత్రంతో తెలుగు వెండితెరకు పరిచయమైన ఈ భామ అల్లు అర్జున్ నటించిన “దువ్వాడ జగన్నాథం” చిత్రంలో తన అందాలను ఆరబోసింది. ఆ తర్వాత రామ్ చరణ్ నటించిన ‘రంగస్థలం’ చిత్రంలో జిగేల్ రాణిగా ఐటమ్ సాంగ్‌లో ఇరగదీసింది. ఇటీవల విడుదలైన “సాక్ష్యం” చిత్రంలో నటించింది. అలాగే, ఎన్టీఆర్ సరసన ‘అరవింద సమేత’ చిత్రంలోనూ, మహేష్ బాబు, ప్రభాస్ చిత్రాల్లో నటిస్తోంది. పనిలోపనిగా ఓ హిందీ చిత్రంలో నటిస్తోంది.
మొత్తానికి న్యూ జనరేషన్‌ హీరోయిన్‌లందరిలో ఈ ముద్దుగుమ్మ మాంచి జోరుమీద ఉంది. చేతి నిండా సినిమాలతో పుల్‌ బిజీగా దూసుకెళుతుంది ఈ బ్యూటీ. ఇటు తెలుగులో అటు బాలీవుడ్‌లో నటిస్తున్న ఈ ముద్దుగుమ్మ హైదరాబాద్‌ – ముంబై – హైదరాబాద్‌ అంటూ చక్కర్లు కొడుతుంది. అయితే ఈ మద్య ఈ సుందరికి సినిమా షూటింగ్‌ లో కొంత గ్యాప్‌ దొరకడంతో గోవా టూర్‌కు వెళ్లింది.
అసలే వర్షాకాలం.. ఆపై చల్లని జల్లులు.. పచ్చని ప్రకృతి.. అంతే కాకుండా గోవా బీచ్‌.. వెనక అరబియా సముద్రం అందాలు.. లోకేషన్‌ అదిరిపోయింది. దీంతో ఏమనుకుందో ఏమో గానీ పూజా బేబీ ఒక చిట్టి పొట్టి నెక్కరేసుకుని ఫోటోకు ఓ మంచి ఫోజు ఇచ్చి ఆ ఫోటోను సోషల్‌ మీడియాలో ఫోస్ట్‌ చేసింది. ఇప్పుడు ఈ ఫోటో సోషల్‌ మీడియాలో వైరల్‌ అవుతోంది. ఇప్పటికే ఈ ఫోటోకు దాదాపుగా లక్షా ఇరవై నాలుగు వేలకు పైగా లైకులు వచ్చాయి. మొత్తానికి పూజా హెగ్డేకు ఇటు టాలీవుడ్‌లో అటు బాలీవుడ్‌లో మంచిగానే అవకాశాలు వస్తున్నాయి. ఇలాగే ఈ ముద్దుగుమ్మకు మంచి సక్సెస్‌ రావాలని మనమూ కోరుకుందాం.
