ఎన్టీఆర్ అభిమానులకు స్వాతంత్ర్య దినోత్సవ వేడుకల సందర్భంగా ఓ సంతోషకరమైన వార్త. ఎన్టీఆర్ తన అభిమానులకు పంద్రాగస్టు రోజున అదిరిపోయే గిప్టు ఇచ్చారు. జూనియర్‌ ఎన్టీఆర్, పూజా హెగ్డే ప్రధాన పాత్రల్లో, త్రివిక్రమ్‌ దర్శకత్వంలో తెరకెక్కుతోన్న చిత్రం అరవింద సమేత మూవీ టీజర్‌ను రిలీజ్‌ చేసి తన ఫ్యాన్స్‌ను ఫుల్‌ ఖుషీ చేశాడు తారక్‌.
ఈ టీజర్‌లో జగపతి బాబు డైలాగ్స్‌, ఎన్టీఆర్ చెప్పిన డైలాగ్స్‌ ఈ మూవీపై భారీ అంచనాలు పెంచుతున్నాయి. కంట పడ్డావా కనికరిస్తానేమో, వెంటపడ్డానా నరికేస్తా అంటూ తారక్‌ చెప్పిన డైలాగ్‌ ఆయన అభిమానుల రోమాలు నిక్కపొడుచుకునేలా చేస్తోంది. ఈ మూవీలో ఎన్టీఆర్ విభిన్న పాత్రల్లో నటిస్తున్నాడని ప్రచారం సాగుతోంది.
మొత్తానికి అరవింద సమేత సినిమాలో ఎన్టీఆర్ డైలాగ్స్‌తో ఆయన అభిమానుల్లో పూనకం వస్తోంది. తమ అభిమాన హీరో చెప్పిన డైలాగ్‌లతో అభిమానులు పుల్‌ జోష్‌లో ఉన్నారు. ఈ చిత్రాన్ని ‘అజ్ఞాతవాసి’ చిత్ర నిర్మాత ఎస్. రాధాకృష్ణ (చినబాబు) హారిక అండ్ హాసిని క్రియేషన్స్ బ్యానర్‌లో నిర్మిస్తుండగా.. తమన్ సంగీతం అందిస్తున్నారు. దసరా కానుకగా.. అక్టోబర్ 11న ఈ మూవీ ప్రేక్షకుల ముందుకు రానుంది.
